احنا بنعيش علشان نتكاظى ولا بنتكاظى علشان نعيش؟؟؟

الى البلوج العزيز

2010-05-14T03:27:00.002+03:00

وحشني

ووحشاني ايامك

وناسك

ولمتك

وحشاني الفكرة

والروح

واكيد مش انا بس

اكيد وحشنا كلنا

الزمن

2009-06-09T22:46:00.000+03:00

ليه يا زمن؟

تئن الاغصان من نزول المطر

تنوح الطيور من شوفة القمر

قولت ظاهرهم خير باطنهم هلاك للبشر

مهى مش دايما المطر خير

ساعات السما تمطر حجر

ولا شوفة القمر بليل

يعنى شموع وحب وسمر

ده ساعات يكون علامة ضجر

علامة ليل طويل مليان سهر

وصوت ديابة ورياح وخوف

تشم ريحته من بين الشجر

اوعى يا بنى آدم يغرك الظاهر

ده كتير يبان ملاك طاهر

لكن يطلع ثعبان سمه قاهر

خد بالك يا بنى الانسان من كل غادر

خدبالك من طير مسافر

او ضوء نهار مهاجر

لأنه يا من الخوف مغادر

يا من الظلم سايبها وغاير

2009-01-10T00:42:00.004+02:00

FROM GHAZA

كلمات اسبارتاكوس الاخيرة "بتصرف " أمل دنقل

2009-01-08T04:14:00.005+02:00

لمَن قال "لا" في وَجْه مَن قالوا "نعمْ"

من قال "لا"

لم يمتْ وظلَّ روحًا أبديةَ الألمْ

***

مُعَلَّقٌ أنا على مشانقِ الصَّباحْ

وجبهتي – بالموتِ – مَحنيَّهْ

لأنني لم أَحْنِها... حَيَّهْ!

***

يا إخوتي الذينَ يعبُرون في الميدان مُطرِقينْ

مُنحدرين في نهايةِ المساءْ

في شارِع الإسكندرِ الأكبرْ

لا تخجلوا... ولترْفعوا عيونَكم إليّْ

لأنكم مُعلَّقونَ بجانبي... على مشانِق القيصَرْ

فلترفعوا عيونَكم إليّْ

لربما... إذا التقتْ عيونُكم بالموتِ في عَينَيّْ

يبتسمُ الفناءُ داخلي... لأنكمْ رفعتُم رأسَكمْ... مرَّة

سيزيفُ لم تعدْ على أَكتافِهِ الصَّخرة

يحملُها الذين يُولدونَ في مخادِع الرقيقْ

والبحرُ – كالصَّحراءِ – لا يروي العطَشْ

لأنَّ مَن يقولُ "لا" لا يرتوي إلاَّ مَن الدُّموعْ

... فلترفعوا عيونَكم للثائرِ المشنوقْ

فسوف تنتهونَ مثلَه... غدًا

وقبِّلوا زوجاتِكم – هنا – على قارعةِ الطريقْ

فسوف تنتهون هاهنا... غدًا

فالانحناءُ مُرٌّ

والعنكبوتُ فوق أعناقِ الرِّجالِ ينسجُ الرَّدى

فقبِّلوا زوجاتِكم... إنِّي تركتُ زوجتي بلا وداعْ

وإن رأيتم طفليَ الذي تركتُه على ذراعِها بلا ذراعْ

فعلِّموهُ الانحناءْ

علِّموهُ الانحناءْ

... ... ...

الودعاءُ الطيبونْ

هم الذين يَرِثونَ الأرضَ في نهايةِ المدى

لأنهم... لا يُشنَقونْ

فعلِّموهُ الانحناءْ

... ... ...

وليس ثَمَّ من مَفَرٍّ

لا تحلُموا بعالَمٍ سعيدْ

فخلْفَ كلِّ قيصرٍ يموتُ: قيصرٌ جديدْ

وخلْفَ كلِّ ثائرٍ يموتُ: أحزانٌ بلا جدوى

ودمعةٌ سُدى

***

يا قيصرُ العظيم: قد أخطأتُ... إني أعترِفْ

دعني – على مِشنقتي – ألْثُمُ يَدَكْ

ها أنا ذا أقبِّل الحبلَ الذي في عُنقي يلتفُّ

فهو يداكَ، وهو مجدُك الذي يجِبرُنا أن نعبُدَكْ

دعني أُكَفِّرْ عنْ خطيئتي

أمنحكَ – بعد ميتتي – جُمْجُمَتي

تصوغُ منها لكَ كأسًا لشرابِك القويِّ

... فإن فعلتَ ما أريدْ

إنْ يسألوكَ مرةً عن دَمِيَ الشهيدْ

وهل تُرى منحتَني "الوجودَ" كي تسلُبَني "الوجودْ"

فقلْ لهم: قد ماتَ... غيرَ حاقدٍ عليَّ

وهذه الكأسُ – التي كانتْ عظامُها جمجمتَه –

وثيقةُ الغُفرانِ لي

يا قاتلي: إني صفحتُ عنكْ

في اللَّحظةِ التي استرحتَ بعدَها منِّي

استرحتُ منكْ

لكنني... أوصيكَ – إنْ تشأْ شنقَ الجميع –

أن ترحمَ الشجرْ

لا تقطعِ الجُذوعَ كي تنصبَها مشانق

لا تقطعِ الجُذوعْ

فربما يأتي الرَّبيعُ

"والعامُ عامُ جوعْ"

فلن تشمَّ في الفرُوعِ... نكهةَ الثَّمرْ

وربما يمرُّ في بلادِنا الصَّيفُ الخَطِِرْ

فتقطع الصحراء... باحثًا عن الظِّلالْ

فلا ترى سوى الهجيرِ والرِّمالِ والهجيرِ والرمالْ

والظمأِ الناريِّ في الضُّلوع

يا سيدَ الشواهدِ البيضاء في الدُّجى

***

يا إخوتي الذينَ يَعْبُرونَ في الميدان في انحِناءْ

منحدرينَ في نهايةِ المساءْ

لا تحلُموا بعالَمٍ سَعيدْ

فخلْفَ كلِّ قيصرٍ يموتُ: قيصرٌ جديدْ

وإن رأيتمْ في الطَّريق هانيبالْ

فأخبروه أنني انتظرتُه مدًى على أبوابِ روما المُجهدهْ

وانتظرتْ شيوخُ روما – تحت قوسِ النَّصر – قاهرَ الأبطالْ

ونسوةُ الرومان بين الزِّينةِ المُعربدهْ

ظَلَلْنَ ينتظِرْن مَقْدَمَ الجنودْ

ذوي الرؤوسِ الأطلسية المجعَّدهْ

لكن هانيبال ما جاءتْ جنودُه المجنَّدهْ

فأخبروه أنني انتظرتُهُ... انتظرتُهُ

لكنهُ لم يأتِ

وأنني انتظرتُهُ... حتى انتهيتُ في حبالِ الموتِ

وفي المدى: قرطاجةُ بالنار تَحترقْ

قرطاجةُ كانتْ ضميرَ الشمسِ: قد تعلَّمتْ معنى الرُّكوع

والعنكبوتُ فوق أعناقِ الرجال

والكلماتُ تَختنقْ

يا إخوتي: قرطاجةُ العذراءُ تحترقْ

فقبِّلوا زوجاتِكم

إني تركتُ زوجتي بلا وَداعْ

وإن رأيتم طفليَ الذي تركتُه على ذراعها... بلا ذِراعْ

فعلِّموهُ الانحناءْ

علِّموهُ الانحناءْ

علِّموهُ الانحِناءْ

2008-12-29T06:35:00.002+02:00

نجيبك تاني ازاي!!
....
...
...
اللهم لا تؤاخذنا بما فعل السفهاء منا

2008-11-10T11:33:00.002+02:00

الست فرحة
ربنا ما يكتب علينا الزعل تانى!!
جملة قالها ابويا فرحتنى آخر حاجة
بس وقفت بتاع ساعة مش فاهمة حاجة
ربنا ما يكتب علينا الزعل تانى!!
طب مش ندعى تنكتب علينا الفرحة اولانى
رديت عليا بس ميجيش الزعل والفرحة تيجى على مهلها
ولو مجتش نقوم كمان نندهلها
ننده بأعلى صوتنا ولو مرديتش نجيبها من شعرها
وده كلام؟هى الفرحة تبقى فرحة غير لما تيجى برجلها
ماهى مش خناقة ولا عافيى دى حاجة بتيجى لوحدها
تلاقيها تجرى على صاحب النصيب ترسمله ضحكة بنفسها
مش شرط غنى ولا فقير مفيش تفريق عندها
بس ساعة ما تيجى صاحب النصيب لازم قوام يخضعلها
رديت وقلت طب يا ست فرحة تعالي..وانا فى ثوانى هقوملها
اقطف من جناين الدنيا وردة واجرى عليها واقدملها
بس يا شيخة امانه عليكى قوليلها تدق بابنا وانا هفتحلها
ولو معجبنهاش تبقى تاخد بعضها وتجرى وانا برضه هفتحلها
ماهى تشكر برضه على مجيتها حتى لو ملحقناش نحسها
يعنى الست تكلف خاطرها واحنا نيجى نتنحلها
دانتو عيال رذلة قوى فاكرين وقتها ملكها
دى ياعبط الست فرحة هانم...قوم يلا وسعلها
امانة عليكى تقوليلها تيجى بيتنا وانا الباب هسيبلها
عشان متقولش هنحبسها او طمعانين فى ضحكها
تيجي وقت وا تيجي وتمشى وقت ما يروقلها
المهم تيجى مرة عشان احلف اقول والله مرة شفتها

!!!!نفسي أعرفه

2008-08-23T02:59:00.004+03:00

عبقري

والله العظيم عبقري

بجد نفسي اعرفه

المبدع

قال ويقولك "نستراداموس" أحسن متنبئ في العالم

بذمتكم ده كلام

ياما نفسي حد يدلني عليه

المبتكر

الجهبز

الفلته

!!!!اللي صمم علم مصر

نظره مستقبلية مبدعة...يعني زمان كان العلم بتاعنا مش كدا...

كان اخضر...والاخضر ده رمز للنماء والسلام والرخاء في كل الحضرات

وفي وسطه هلال..زوده لأن مصر كانت-للي مايعرفش- اسلاميه..والهلال هو شعار الاسلام

والعلم ده كان ايام الملكيه -واخدين بالكم الملكية - راح معاها

ومع بداية العصر الجمهوري كان لازم يتغير العلم

فاتحط العلم اللي محطوط فوق عندكم ده

قوم أنا من صغري كان نفسي افهم اشمعنا الالوان واشمعنا النسر

بس فهمت معناهم من فترة

والله الهام من ربنا

كنت راجع من القاهره ولقيت كشك ع الطريق صاحبه دهنه لون العلم

وساعتها لقيت الفكره منورة في دماغي

عرفت العبقري اللي صممه ده كان قصده ايه

شال الهلال وحط النسر...لأنه كان عارف ان مصر ماشية في سكه بعيده عن الاسلام والتدين ومتجهه للعلمانيه..فجاب رمز دنيوي يستمد قوته من طاقه حيوانيه همجيه..وياريتهم سابوه على حاله...دول قصقصوا ريشه ولموه"راجع بريزة زمان قوي...وبريزة زمان مش قوي"0

والالوان....ياسيدي ع الالوان

الاحمر...الفترة الاولى في الحكم الجمهوري"الرئيس الراحل جمال عبد الناصر وأول حكم الرئيس الراحل برضه السادات" ودي كانت فترة ثورة ...وتصحيح..وحرب ..ونكسة ...واستنزاف...وتأميم..ونصر ...واللون الاحمر هو المعبر عن روح الثورة

الابيض...لون السلام وده رمز السلام وبيمثل فعلا تاني فترة في حياة مصر ...بعد حرب اكتوبر والسلام والكلام اللي انتم عارفينه

الاسود...ودي قمة العبقرية...ختمها بلأسود...حد يقولي كان يعرف منين ان الايام اللي بعد كدا سودا

طب حد يدور عليه ويقوله ...في حاجه بعد كدا...ولا ده اخرها

يعني نستنا معاليه اللي ها يدينا كلنا لقب الراحل على ما يرحل وبعد كدا هاتنور...ولا خلاص كدا...ومعاليه هايناولها-لامؤخذة في الكلمه- للي ها يجيب درفها اكتر من كدا

بذمتكم مش الراجل ده يستاهل جايزة...واسمه يتحط في موسوعة جينيس

بيان هام...بياااان هااااااااااااام

2008-07-01T22:15:00.014+03:00

سول فى محاولة بائسة للتخلص من الأرواح الشريرة التى سكنت جسده بسبب المذاكرة فى هذا الوقت من العام

من المؤكد أن أى روح شريرة ستفكر ألف مرة قبل أن تغزو جسد أى عضو من أعضاء البلوج

و إذا عرف السبب بطل العجب

البلوج مغلق لحين شفاء جميع أعضاءه من الإعاقة العقلية أو لحين الانتهاء من الامتحانات ... أيهما أقرب

وما خفى كان أعظم

نياهاهاهاهاهاهاهاهاهاههاهاهاهااهاه

نشوة

2008-05-15T04:10:00.002+03:00

منذ اللحظة الأولي التي دخلت فيها حياته و هو يقاومها و يقاوم سطوة تأثيرها عليه ، كانت تثيره بذكاء ، تلح عليه و قبل أن يبدأ في الشكوى أو حتى في الإحساس بأن الأمر اصبح مملا تختفي فجأة لتتركه يبحث عنها كثيرا حتى يبدأ زخمها في الابتعاد عنه شيئا فشيئا فإذا بها تظهر من جديد .
في البداية لم يبد اهتماما ، لم يكن مهتما فعلا ، لم يعرف بدقة متي احتوت علي تفكيره بهذا الشكل ، تسللت إلى وجدانه بخفة ، لم يعرف أهو شيء ما في حركتها أمامه أم أن شيئا غير مرئي في وجودها يجعله يفتقدها و يتذكرها في وحدته .
لم يعرف أيضا متي تحول كل هذا فجأة إلى كل هذا الضيق ، ألم تفكر أنها بدورانها حوله و إلحاحها ثم اختفائها ستصيبه بالجنون . بالتأكيد هي لا تعبأ إطلاقا بهذا ، كل ما يهمها هو أن تشاهده و هو يذرع الغرفة جيئة و ذهابا و يكلم نفسه بحثا عنها و هي تراقبه من نقطة بعيدة لا يراها، أيقن تماما أن هذا بالضبط هو ما تريده ، أن تجعله مجنونا، إنها تصل إلي قمة متعتها عندما يخلو بنفسه إلي اكثر شيء يعشقه في الوجود – البيانو – يغمض عينيه و يحرك أصابعه بخفة لتلمس أطراف أصابع البيانو ليبدأ اللحن الذي انتظر تدفقه طويلا في الانسياب و عندها فقط تأتي بصوتها المزعج و حركتها المستفزة لتقتل لحظته الخاصة.لا يعرف تحديدا متي قرر فعلا أن يقتلها ، في البداية كان خاطرا لم يكلف نفسه عناء التفكير فيه و لكنه و كما تتراكم الأشياء الصغيرة لتصبح جبلا لم يحس بنفسه إلا و تلك الشهوة تلح عليه ، تحتوي عقله كله فلا تدع له مجالا لأي فكرة أخرى ، و كما تبدو الأشياء البعيدة مبهمة ثم تتضح تفصيلاتها في القرب كان كل إنكار للفكرة بينه و بين نفسه ينتهي بإضافة صغيرة لخطته التي بدأت تتضح ، استعبدته الفكرة ، سرت في دمه رويدا حتى وجدها هي بكيانها كله أمامه و بكل براءة تقف وحدها سارحة متأملة ، سري الخدر في أطرافه و كست غمامة عينية فلم يعد يري أو يسمع غير وجودها أمامه ، لم يحس بخطواته المتسللة و هو يحضر سلاحه و لا بيده و هي ترفعه لتهوي به بقوة عليها ، حتى عينه لم تطرف لحظة الاصطدام ، نظر إليها في عينيها نظرة أخيرة ، حتى انه لم يحس بتيبس يده حول المقبض كالتمثال ، تجمد لفترة لا يعلم مدتها لكنه في النهاية استطاع أن يزفر زفرة طويلة و يزيح جثتها بطرف يدهه من أمامه و يقول " ذبابة حقيرة".

كل 80 سنه وانت برج ثور يا ريس

2008-05-03T16:45:00.005+03:00

ده مقال الصفحه الأولي في جريدة الأخبار لمنافق الرئيس حاليا رئيس تحرير أخبار اليوم سابقا ممتاز القط بعنوان ليه بنحبك يا ريس؟

الاجزاء المكتوبه بالأسمر هى مقال السيد الهر ومش هحلف طبعا ان الكلام ده مكتوب فعلا فى جريده عريقه زى اخبار اليوم ولا هحلف انى عمرى ما شفت نفاق للدرجه دي0

البوست مفتوح للتعليقات البريئه منها وغير البريئه0

شارك بإضافة لمسته الجميلة فى البوست اسامه ولو لاقدر الله اتمسكت فيبقى هو اللى كتب البوست كله وياروح ما بعدك روح0

_________________

(ياريس كل سنه وأنت طيب وربنا يخليك لينا)

كل سنه ومصر تعيش معك أغلى واعز أيامهاهههههههه ..سنوات مرت وكأنها حلم جميل فازوع كوبسه داعبنا, وجعلنا نبتسم لكل أيامنا0

في عيد ميلادك ياريس ندعو الله لك بالعمر المديدهو 80 مش كفاية برضه ولا إيه لكي تحقق لنا المزيد والمزيد..فنحن سيدي الرئيس قدرك وأنت قدرناعايز حد يعترض على القدر بقى إيه هتكفروا. لمن غيرك نشكوهنشكى لربنا يا محترم...خاف الله خاف من مين غيرك نطلب يا جمال إسلوبك لمن غيرك نروى أحلامنا و آمالنا في مستقبل نملك فيه القدرة على أن نحقق طموحاتنا فعلا الواحد مش عارف يحقق انهوا طموح فيهم يااااااه كتير كتير صراحةونترك لأولادنا وأحفادا وطنا عزيزا وقادرا على أن يحقق كل ما يتمناه0بصراحة ..إحنا بنحبك لانك إنسان أصيل ...بتعرف تحافظ على كرامة وكبرياء بلدك وشعبك فعلا ده حتى البنت اللى ماتت على الحدود مع إسرائيل قلب الدنيا عشانها ولا البمبوطي اللي أتقتل في قناة السويس اتحمق وانتفخت أوداجه عشانه بتعرف تقرأ المستقبل صح ياريس والكف والطالع والفنجان وبيفتح المندل كمان لو حد ضاعت منه حاجه وفى كل حاجه بره وجوه زى الاهلى بالظبط0

بنحبك أتكلم عن نفسك يا كابتن لانك ما بتعملش حاجه إلا بعد ما تحسبها صح ويكون قرارك في الصميم...بنحبك لان تاريخك كله نظيف ابيض فعلا عشان مفيش تاريخ أصلا0
دايما ياريس القرار الغلط في أي مجال يكون له تأثيرات سلبيه بتختلف من مكان لمكان ولكن في الطيران القرار الغلط يعني الموت بخ ومن هنا بيكون فيه تقدير وحسابات كاملة لأي قرار0
طول ما إحنا معاك ياريس حسينا بالحكاية دى أنا حاسس فعلا بس بحاجات تانيه مفيش انفعال ولا غضب ..أى حاجه دايما تسبقها دراسة كاملة..كتير قوى ياريس مواقف مرت علينا ولا بلدنا..تحديات كتيره لا لها أول من آخر..لكنك ياريس عدتها بسلاموريحت دماغك بحنكه ومهارة وتفكيرقول يا ستامونى قول كانت دايما ياريس مصر معاك للأسف فى قلبك و عقلك والعدو والحبيب دايما بيحسب لبلدنا معاك الف حساب يا سبع0

بنحبك ياريس لان سمعة مصر أصبحت معاك زى البرلنت لا وانت الصادق دى بقت زى سمعة سونه على ما تفرج فى كباريه النجوم وبيحسدونا عليك خدووووووووه لانك مننا دايما ياريس كنت معانا0

ساعا ت كتير كنا بنكلم نفسنا بنقول يا ترى الريس حاسس بينا هذا هو الموجز واليكم التفاصيل يا ترى الريس حاسس بمشاكلنا وهمومنا تيرارارارااااااااا وفى كل مره ياريس نكتشف الحقيقه دن دن تش إنك معاناهيييييييه أنك جزء مننا وإحنا جزء منك انهو جزء وأنا أتاويه ..بتتكلم زينا ايه ده ..بيدعى على نفسه؟ وحاسس بالظروف الصعبه اللى إحنا بنعيشهاحتى الريس بيطلع عينه فى طابور العيش لا اله الا الله هما مش فصلو الانتاج عن التوزيع فى مصر الجديده ولا ايه؟0
بصراحه ياريس ..إحنا نسينا أيام زمان ..أحنا ادلعنا فى عهدك ياريس- ادلعنا والله انت راجل مسخره- ونسينا زمن الاشتراكيه – فقرا ايه بقى خلينا نغتنى ونحتكر-اللى ضحكوا بيه علينا لاننا اكتشفنا إننا بنعيش فى وهم جميل صحينا منه يوم 5 يونيه.

نسينا زمن تليفون العمده وبقينا دلوقتى محتارين نركب 012 ولا 010 ولا 011 ولا أرضى يا لفظاعة الانجازات ههههههه نسيت مفتاح الزيرو ليه بس يا راجل..الاقيش عندك كارت بعشره نسينا القطارات ماركة اللى يحب النبى يزق دلوقتى بقى فيه قطارات ماركة اللى يحب النبى يولع نسيت قطر الصعيد ولا ايه نسينا زمن كل حاجه بالبطاقه من قطن العرايس لحد قماش التيل والبفته والدبلان دلوقتى مش هتجيب حاجه لا ببطاقه ولا بغيرها نسينا زمن المجارى اللى طافحة وطلمبات الميه البحارى ووضع النوايه جوه الزيرهو كمان شرب الميه الملوثه وتصريف البي بى بقى شىء خارق نسينا اللهو الخفى دلوقتى اللهو على عينك يا تاجر والناس بتعتقل فى وضح النهارنسينا نشوف النجوم فى عز الظهر0

دلوقتى كله بيتكلم مفيش حد خايف شلت الخوف من قلوبنا ياريس انا لسه واحد معدى عليه اول امبارح شايله منى يا جدعان كلمة حق برضه ودى نعمه مكناش حاسين بيها دلوقتى ممكن أى واحد ينتقد رئيس الجمهوريه والحكومه وكل حاجه ساعات بنزودها حبتين لكن جوانا شعور اننا مش خايفين عارفين ان فيه كبير فى البلد بيحبنا وبنحبه عايش فى قلوبنا وقريب منا دايما عندك حق يا شيخ ده لا فيه انسه اسمها اسراء اعتقلت ولا بتوع كفايه بيتضربوا ولا بيتسجنوا ولا ايمن نور بتتلفقلوا قضيه ولا الاخوان بيتحكم عليهم عسكريا ولا ابراهيم عيسى اتحكم عليه ولا اى حاجه خالص خالص 0
بنحبك ياريس لأنك مننا انت الرئيس الذى لايتحدث لغتين اللى بتقله فى الغرف المغلقه هو اللى بتقوله فى العلن ودايما افكارك سباقه والعالم كله يا ريس قد ايه بيحترمك ويقدر زامبيا زيمبابوى وموزمبيق وزنزيبار على رأى واحد أعرفه طولة بالك وسعة صدرك ياريس وحبك لينا يا نهار كحلى هو اللى بيحصل فينا ده كله وهو بيحبنا امال لو كان بيكرهنا كان ايه اللى حصل......محدش يستفزه يا جدعان ده مقطع بطاقته خلانا نطمع اكتر واكتر ياريس؟

فى عيد ميلادك الناس ..اهلك ..وشعبك ..كل اللى بيحبوك المفروض يقدمولك ورود الدنيا كلها فى حالة انى ما أضربتش هجيبلك حزمة جرجيرياريس كنت سباق بالخير محدش جابله ورد ولا ايه طول عمرك سباق بالخير صادق والله العلاوه ياريس كانت مفاجاه كانت عبور بالموظفين الغلابه من الدوامه اللى عايشينها ليل نهار ايه ده هما ال45 جنيه بتعمل كل ده.؟؟؟ عبور ودوامات وعبارات ولا بلاش السيره دى0

الناس كلها ياريس بتقولك فى عيد ميلادك كتر خيرك وربنا يديك الصحه والسنه الجايه لاهو فى سنه جايه برضه هنقولك علاوه ياريس ..ريس له فى قلب كل مصرى حب ما يتقدرش باموال الدنيا كلها اهىء اهىء اهىء سنييييييف كل سنه ومصر معاك بخير ياريس ونفضل دايما نقولك عايزين وعايزين ده على اساس انه بيدينا من جيبه هو فى ايه؟ والسنه الجايه مش مهم العلاوه تبقى 30% خليها 25%بس اه عشان ما نتعودش على العز إحنا مش طماعين!! كل سنه وانت بكل خير ياريس0

!!!!!!!!!!

2008-05-02T14:10:00.003+03:00

بدأ وصول الغاز المصري لإسرائيل

شالوم يا ريس

___________________

أشعر بالعار

خسر الجميع وانتصرت مصر

2008-04-15T14:22:00.006+02:00

اصابنى الاحباط منذ فتره طويله كان الاحساس السائد انه لا أمل فى تغيير ما أصابنا من قهر وظلم على يد مصاصين دماء أستخرجوا بطاقات سجل فيها أسم مصرى فى خانة الجنسيه على يد من يحمل المصحف كهديه من الازهر فى احتفالات المولد النبوى من يقارن بين مصر و دول العالم الديموقراطى فى ارتفاع اسعار الغذاء فقط.... فى السىء فقط.. لم يعقدوا مقارنه ابدا فى الطيب فحريتهم فاسده وحقوق انسانهم ان صح التعبير مؤامره على هويتنا وعلى حقوق جمال وعز وبقية اللزجين من اصحاب الياقات والبدل الايطاليه ولهم فى ذلك كل الحق فلا يعقل أن يعمل ابن رئيس جمهوريه فى غير رئاسة جمهوريه الجميع يتمنى لأولاده أن يكونوا افضل منه تلك هى سنة الحياه

لمن لا يدرى لا توجد ملائكه على الارض لكن فى مصر اصبح هناك من هم اكثر شرا من أبليس0

عندما جاءت الدعوه لإضراب 6 أبريل لم أكن متفائلا حدثتنى نفسى ان من سيستجيب للإضراب هم طلبة الجامعات والمدارس و عمال المحله بحكم انهم أصحاب شرارة الفكره أستمر هذا الشعور بداخلى حتى يوم 5 عندما ضحكت من أعماق قلبى وأنا اتابع شريط الأخبار عن كلام المصدر الأمنى الذى اتمنى أن تسعدنى أيامى معرفة من هو يحذر ويحذر وينكل و يتوعد بقطع لسان من يضرب من لغلوغه و يؤكد أن المصالح والمدارس والجامعات سوف تعمل بالطبع ستعمل بنظام السيد بوش أنت معانا ولا مع الناس التانيين- لو أبوك مات تعالى بيه وأدفنه فى الشغل والا تبقى عميل ومحرض وبتعطل مصالح الناس اللى مش متعطله خلقه-طرق التنكيل الادراى لا تنتهى من لجان تحقيق الى ترصد للأخطاء والموظف هو أتعس خلق الارض لن يجدى معه قرار فردى منه بالاضراب....أكثر المصريين ايجابيين لكنهم يحتاجون مظله قويه رمز يتجمعون حوله حتى لو لم يكن قادرا على منع بطش الطغاه0

عندما قرأت شريط الاخبار تأكدت من حدوث استجابه لأن التقارير الامنيه التى حذرت من استجابة الناس للدعوه هى التى حركت آلات الاعلام الموجه لفرد واحد ولحزب واحد ذلك الاعلام الاعمى الغبى الذى لم يقتنع حتى الان ان الهدف الوحيد من مشاهدته هو التمتع برؤية أشخاص يكذبون بفحش وفجر...تأكدت من الاستجابه لان تقارير امن الدوله أصدق من اى احساس0

لم تشارك الاحزاب فى الاضراب........طز

هل انتم احزاب بالفعل؟

لا

يبقى طزين

لم يشارك الاخوان فى الاضراب

أتمنى ان تأتى فرصه اتعاطف فيها مع الاخوان المسلمين لكن للأسف لديهم قدره غريبه على القضاء على مثل ذلك الشعور يأتى الاخ عصام العريان على ال بى بى سى ليقول انهم تركوا لكل عضو حرية الاشتراك او عدم الاشتراك فى الاضراب (من أمتى يعني؟) ثم يأتى عضو آخر يصرح انهم لن يشاركوا فى الاضراب وينعته بالفوضى قبل حدوثه بيوم فى البدايه التبس على الامر من يتحدث صفوت الشريف أم أحمد عز بالفعل شىء يدعو الى الغثيان هل هى هدنه من أجل المحكمات العسكريه التى نرفضها أم ماذا؟

يتحدث العريان عن منعهم من الترشيح فى المحليات يوم الاضراب لماذا خلط الأوراق أنت تتحدث عن الأضراب أين مصلحة الشعب أم مصلحة الأخوان فوق مصلحة الشعب أيهما أهم المحليات أم معاناة الشعب؟

ثم لماذا نشاهدكم فى مظاهرات التعاطف مع جوعى غزه ولم نشاهدكم فى مظاهرات رغيف العيش وجوعى مصر ومضطهدى المحله ؟

شىء يدعو الى الاستياء

لقد خسر الاخوان وخسرت الاحزاب وخسر خدم البلاط وانتصرت مصر لنفسها انتصر الشباب ..انتصرت كفايه والفيسبوك وإسراء عبد الفتاح ...انتصر جورج اسحق وسقط رفعت السعيد ومحمود اباظه ومهدى عاكف وصفوت الشريف لقد اصبحتم جميعكم فى كفة الحزب الوطنى والشعب فى كفه اخرى لن نراهن بعد الان على احزاب ورقيه ولا على جماعات تهتم بانفسها

فقط سنراهن على انفسنا وعلى شعب مصر

نجح الاضراب ولم تفلح معه بلطجية المحله الذين اشعلوا الحرائق و لا تشبه الامن بالبلطجى الذى يبطح نفسه ليتهم احد الشرفاء

سقطت صحف الحكومه التى سارعت اليوم الذى يلى الاضراب بمانشتات تقول ان الشعب لم يستجيب الا دعوات القله المنحرفه وان الاضراب فشل -مع العلم انه لم يتم ذك كلمة اضراب فى الايام السابقه له تم الذكر فقط فى اليوم الذى يليه-ثم يا أيها الكاتب اللوذعى منك له هل خروج مدينة المحله الكبرى كلها فى مظاهرات واضراب قله؟

هل خواء الشوارع فى مدن مصر والجامعات قله؟

اذا كان كل هؤلاء قله منحرفه فأنا أعلن انحرافى وسعيد به...ما أجمل أن نكون شعب منحرف بهذه الطريقه وتركنا لكم الاستقامه يا انظف خلق الله0

An Takoon Metkazian

2008-04-09T00:41:00.004+02:00

Ana Kont me7tar Akteb awel 7aga eah fe el blog Dah??

Akteb eah mesh 3aref?

o2lt Ashkor seadet el rayes we el wozara2 el afadel 3ala el invitation el gamda deh, bas o2lt fokakk menhom, ana mesabethom abl keda keteer mesh 7abaket el marady kaman, we kaman kefaia eny bakteb franko arab 3ashan el ta3lemat keda, la tasta7`dem al logha el englezia :((

Akteb Eah??

Ahh

Hakteb 3an el metkazia - 7aga gededa mott sa7 - , ma la ya3reho el ba3d any kont fe qa3det ta2ses hazeh el 7araka el mageda, kont asghar 3odow mo2ases bas ma3alina malnash da3wa beltafasel deh.

Kefaia mo2ademat b2a.

An Takoon Metkazian:

1- An takoon a3eed m3a el ragel ely hayedeh el gawda lel kolia beta3tak we yes2alak eah yabny 7adart kam egtema3 magles kolia, fa tefta3 Fahak (bo2 sa3atak) we te2ol n3am ya fandem, magles koliet eah?? Fa 2ant men el momken an takoon Metkazy.

2- An Takoon a3eed m3a nafs el ragel beta3 el gawda we yes2alak eah yabny, etnasharlak kam ba7s fe magalat 3elmia m3a 7ad men asatzetak, Fa ye7sal nafs raded el fe3l ma e7`telaf baseet enak mesh 3aref eah heia el magla el 3elmia deh aslan, akeed 7aga keda zay Super Mikey, aw Flash,, Fa 2ant sa3etha bardo momken tekon-bas lesa shewia bardo -howa el 7aia bel sahel- Metkazy.

3- An Takoon a3ed m3a el set beta3et el gawda - 3ashan ma7desh ye2ol eny bakarar el kalam -we tes2alak, ha enta akter qesm 3agabak eah, to2alha mesh 3aref aslan 3ashan ana mesh ba7dar mo7adratat wala roundat --- Waqe3a 7aqeqia : ba3d ma da7`t sana 7`amsa wa7ed sa7by fe rab3a sa2alny howa qesm el ENT feen, shawertelo 3ala el moustashfa el gera7a we 2oltelo el door el talet, wa7ed sa7by kan wa2ef ma3ia le72o we 2alo yabny el ENT Aslan mesh fe mostashfa el gera7a, el ENT Fe el Mostashafa el tnia we kaman fe el door el rabe3, Ana 2agelt emta7an el ENT beta3 el Round 3 marat, we Emta7an a7`er el sana kamn fa nazariean ana darst ENT lemodet 12 Shar, 2al aktar qesm 3agabny al --- 3ashan ana mesh bastafeed we bat3ab menha, fa 2ant 3ala el tareq al sa7e7 le kay takoon Metkazy.

4- An takoon a3ed m3a el group beto3 el gawda 3ala enak hat2adem presentation 3an el nashat el toulaby fe el kolia, we tale3 3enak feeh b2alak 2 days, wa tofage2 en el a3da aslan 3an el ab7as el toulabia mesh el nashat el tolaby, we matkolsh m3ak bardo we tedos fe el kalam we keda keda 3ayez te3red om el presentation, fa 2ant keda qareeb men an takoon Metkazy.

5-An Takoon a3ed m3a el lagna el gaia teqayem el kolia el enta betedres feha b2alak ma yaqrob keda men 5 seene - :'( - we yes2alok law enta betqaem koleyetak hatedha kam men 10 fe el ab7as el toulabia to2om sa3atak 2ayem we 2ayel 10 ta7t el sefr, fa 2ant Men al Qela alzeen eqtarbo men el ma3na el sa7e7 le kelmet Metkazy.

law 3amalt el kalam dah kolo wenta taleb fe el kolia deh Fa2ant Men alzeen ya7tawoon 3ala ba3d sefat el Metkazeen el oustouria, bas law 3amalt kol dah we 2enta el mafrood enak men el tolab el active fe el kolia, we kol youm a3ed fe el kolia, we 3altool tale3 nazel men 3an el 2edara, we leek nashatat, we enak te2ol kol el kalam dah wenta tekoon mesh bethazar wala betekdeb fe ay kelma menoh, aw tekon betale3`, we enak tez3al ba3d keda en el kolia beta3tak se2tet fe el e3temad el MA7AlY mesh el dawly 7ata, ya3ny bel 3arab mesh mo3taraf beek da7`el el nezam el masry lel ta7leem - dah eza kan fe 7aga esmaha keda alsan -, we 2enak tekon za3lan en kol el kalam dah bey7sal men 7awalek we el nas sakta we mesh farqa m3aha, we 2enak tekoon zeh2et men el nas el salbia el mesh far2a m3aha, kol youm betebahdel akter men el youm el 2ableeh wala ka2n fe ay 7aga bet7sel - 2al we keda mesh kefia, 2al eah kaman beydaf3o - , an takoon mesta3`rab en kol el masayeb el 7awalek deh bet7sel fe KOLYETAK - O2la 7`amass senen sa7, we lesa 2 tanieen - we fe nafs el wa2t yekoon ham el tolab en e7na el mafrood neqate3 el montagat el holandia, we, we, we, we,.

Momken Sa3etha bas, Tekoon Fe3lan Metkazy.

Wala ento eah ra2yeko??

المدونة مشاركة فى اضراب 6 ابريل

2008-04-05T23:21:00.000+02:00

كيس شيبسى

2008-03-20T03:05:00.014+02:00

التوقيت : الفترة التى تسبق امتحانات السنة الخامسة من تلك الكلية اللعينة (الله لا يعيدها أيام).0

يوم آخر ينتهى .... يوم من نوعية (والحسابة بتحسب) ، تلك الأيام التى تنقضى الواحدة تلو الأخرى لتفاجأ بنفسك - وأنت لم تعرف ماهية السنة أو مضمونها - فى مواجهة الإمتحانات.0
إعتدنا ان نجتمع أنا و أصدقائى فى بيتنا لمؤازرة بعضنا البعض و الشد من عضد بعضنا لكى لا نسقط فى براثن التنميل فى الفص الأمامى للقشرة المخية ؛ و هو وباء ينتشر فترة الامتحانات ، تبدأ أعراضه بهيستيريا شم صوابع القدمين لتنتهى بفتحة فى أعلى الجمجمة من أجل التهوية و عمل أعلى دماغ على حد قول الضحايا (قليلون هم من كان لهم شرف الوصول الى تلك المرحلة).0
أنهينا المذاكرة أنا و اثنين من أصدقائى ...و كالعادة هوس حسابات التلت اصفار (نتيجة آخر السنة) نحسب مجموع درجاتنا المتوقع ان يتبقى بعد طرح ماسيتم بعترته منها فى الشفوى و العملى و النظرى و أعمال السنة ... نمعن النظر كثيرا فى الناتج ... ثم فى النهاية نحسم امرنا باختيار الأعمال الحرة ... ففكرة اعادة السنة أو تجربة الحظ فى كلية أخرى لم تكن تستهوينا على الإطلاق.0
ذهب احدهما و بقيت أنا و صديقى الآخر ... ذهبنا و اشترينا كيسي شيبسى من الحجم العائلى و جلسنا قبالة الجامع المواجه لمنزلى - حيث توجد (فسحة) كبيره - نستمتع بأكلهم و لك ان تتخيل ان الشيبسى كان يعتبر قمة الرفاهية بالنسبة الينا فى مثل هذا التوقيت.0
جلسنا نحاول استجماع شتات النفس و استرداد آدميتها بأن نتذكر أن لكل منا مشاعر و أحاسيس و طموحات و أحلام ، الكثير الذى كنا نرجوه فى تلك المرحلة من الحياة و الذى لم يتحقق منه سوى القليل ... حوار كنا نخوض فيه دائما حتى ننفس كبتنا لكى لا ننفجر.0
كنت فى غمرة انفعالاتى أتحدث حين هب صديقى من جانبى فجأة وتوجه فى هدوء الى الجامع .... لم أفهم فى البداية سبب حركته المفاجأة تلك .... فلم أكن أظن اننى ممل الى هذا الحد او اننى كنت ثرثار الى الدرجه التى تجعله يتحصن بالمسجد منى ... تابعته ... وصل الى الجامع، نزل على قدميه الى شئ متشح بالسواد لم يكن واضحا الى ان تحرك ... طفل صغير فى الحادية أو الثانية عشر من عمره مختفى فى بطانية سوداء .... تحدث معه قليلا .... ثم قام .... ناداه الطفل مرة أخرى .... فتوجه اليه تبادل معه كلمات ثم أعطاه كيس الشيبسى.0
عاد بجانبى و عيناه تنظر للفراغ ثم هم ان يكمل ما كنا نقوله ... قاطعته :0
مين ... فين ... ازاى ... ليه.؟؟

مفيش لمحته هناك و الجو تلج قلت تلاقيه يا عين أمه جعان .... خدت و اديت معاه سالته اسمه و عايش منين ، و بعدين قلتله ياخد الشيبسى لأنى فعلا مش عايزه و مش هقدر أكمله ... مرضيش و لقيته كشر و قاللى انه مش عايزه و ان انا ليه قلتله كده و انى ضايقته أوى ....0

حقه
مكنش قصدى والله ... المهم اعتذرتله و خدت بعضى و كنت ماشى وانا قفايا يقمر عيش ، كان هاين عليا أولع فى نفسى بجاز ... نادانى "يعنى انت مش عايزه" ... قلتله لأ والله ... قاللى " طب هاته ... بس من فضلك متعملش كده تانى" ..... كنت هكره نفسى موووت لو مكنش خده.0
لم يطول حديثنا بعدها ، و انتهى اليوم عند ذلك الحد ... لا أذكر أنه قد فتح الموضوع مرة أخرى ، بل لا أعتقد أنه يتذكره الآن .0
كنت أتعجب من موقف الرسول (صلى الله عليه مسلم) حين بشر بأنه سبعون ألفا من أمته يدخلون الجنة بلا حساب فقام له أحد الصحابه وسأله ان يدع له أن يكون منهم ... فقال له : انت منهم ... فقام آخر و قال له ادع لى أنا أيضا يا رسول الله ... فقال : سبقك بها اخيك (نص الحديث لا أذكره و هذا فيما معناه)

كان يحيرنى لماذالم يدع له الرسول فى حين أنه دعا للصحابى الآخر ؟؟
فإن كان الجواب بأن يقفل هذا الباب كيلا يسأله آخر .... فلماذا دعا للصحابى الأول - بمجرد طلبه - من الأساس!؟؟؟
جائتنى الإجابة فى تلك الليلة حين قست بينى و بين صديقى ... كلانا كان فى نفس المكان ، كلانا تشغله نفس الهموم ، كلانا يرتدى المدعوقه النظارات .... ولكن فى حين ان منظورى لم يستوعب وجود ذلك الطفل و لم أره أساسا كان هو قد رآه و فكر و تحرك .0
لا أعلم لماذا اتحدث عن هذا الموقف بعد تلك الفترة الطويلة ... و لكنه ألح على كثيرا فى هذه الأيام الموحشة ، و ذكرنى بحديث الحبيب (صلى الله عليه و سلم) (الخير فى و فى أمتى الى يوم القيامة).0

و السلام ختام

رسم بالرمال

2008-03-15T03:08:00.009+02:00

وانا اللى كان منتهى أملى انى أرسم دايرة جواها نقطتين تمثل العينين و نقطة للمناخير و خط للبق ... و هييييييييه رسمت وش

اكتشفت انى معاق معاق يعنى

!!!!!! وهل نتسول حقوقنا

2008-02-24T22:37:00.003+02:00

http://atebaabelahokook.blogspot.com/

كفاية حرام

2008-02-19T13:21:00.002+02:00

فيدل اليخاندرو كاسترو يتنحي عن الحكم بعدما امضي 49 سنه رئيسا لكوبا

الي كل متشائم ينخر فى تفاؤل الشعب

الي كل موتور ظن انه سيعيش ويموت فى عهده المبارك

هاهي قد أتت العلامه الإلهيه والحكمه المبينه

يا كل متعجل

يا كل من فقد نعمة الصبر

اليكم فى صبر الشعب الكوبي عبرة يا أوغاد

هانت...... ماشيين فى ال27 وباقى 22 سنة...سهلها يارب

2008-02-11T05:13:00.000+02:00

ان نفرح نرقص ننفجر ضحكا و صخبا ، ان ننطلق الي الطرقات تهليلا و غناءا،

عن الفرحة و الفوز و الثقة في اسم الوطن و الانتماء اتحدث،عن يوم فوز مصر بنهائي كأس افريقيا للمرة الثانية علي التوالي مع الثعلب العجوز حسن شحاتة.

لن اصف مظاهر الفرح لأن جولة بسيطة او حتي وقفة سريعة في شرفة اي منزل تكفي لأن تعرف ، لكني لم اتخيل كم ان هذا البلد و اهله كانوا عطشي للفرح بهذه الصورة ، و كم ان الاشياء البسيطة تكفي لصنع السعادة الا بعد هذا الموقف الذي سأحكيه:

أ/ سيد مدرس لغة فرنسية و رجل بشوش جدا و بسيط

مصطفي ابنه عنده 15 سنة و مصاب بورم خبيث جدا في عظام ساقه و يحتاج الي بتر فوق الركبة (شفت الكآبة اللي نزلت فجأة دي ، لازم ، مش انا اللي بحكي)

الولد سيتم حجزه غدا(تاني يوم الماتش) كي يجري العملية و رقمي مع والده كي يبلغني باتمام اوراقه حتي احضر لحجزه

اليوم و بعد صفارة الحكم مباشرة الهتف يدق ، ارد ، ياتيني صوته فرحا مبتسما مهللا و يقول "اتصلت لاقول لك مبروك " فقط و بسعادة حقيقية تماما

لقد كان هذا النصر سببا في لحظة من عصير الفرح لهذا الرجل المطحون

لهذا فرحت

و احببت هذا النصر

حتة شوكلاته

2008-01-29T15:53:00.000+02:00

تاخدى حتة شوكولاته؟-
لا أنا عايزه الشوكلاتيه كلها-
خايف عليكي من السكر-

هاخدها كلها-

لم ألحظ كم هي جميلة حتى تعثر الساعي وتطايرت الاوراق واشتد بريق الضياء على عيناي

هاتى حبة نسكافيه-
لا مش هتاخد-
أنتي طماعة على فكره-
كوبايتك أهى-
لا بقى هشرب من كوبايتك-

لم أعرف كم هي رقيقه حتى جرحها النسيم و غردت لها البلابل كما لم تغرد من قبل

كل سنه وأنتي طيبه-
ورده واحده بس ؟-
أه واحده بس ومفيش غيرها-
لا في غيرها كتير مغطى سريرك-
بحبك-

لم أعرف كم هي ساحره حتى أخذتني للسماء وأجلستني فوق السحاب وداعبتني بالنجوم

هتسيبيني؟-
هستناك-

لم أعرف كيف كنت أحبك حتى جلست على سريري المغطى بالورود أستشعر الدفء في كوب النسكافيه منتظر أن آتى إليك بحتة شوكلاته........ حته صغيره .....عشان السكر.

تاجن ستى

2008-01-21T18:05:00.000+02:00

أنا مودى تحتتتتتتتتتتتتت .... ومش فى موود أكتب أى حاجة خالص ... و مبقتش بعمل حاجه على البلوج ده غير التاجات

قال يعنى كان بيكتب حاجة غير كده أو بمعنى أصح كتب حاجة عليها القيمة"0"

احم .... مرسى ... طب حتى أى مجاملة ... ده أنا بادئها شحاتة و مودى تحت و كلام كده يعنى

المهم مش موضوعنا ... التاج ده كان متأخر عليا من فترة طويلة

ومن غير لك التاج اهوه

لو قالولك اختار عصر من عصور مصر علشان تعيش فيه ...تختار اى عصر و فى عهد اى حاكم ؟؟ اشمعنى العصر ده؟؟

أقتبس من عمنا يوسف معاطى اختياره الموفق "عصر الدولة العباسية" ....حيث الدنانير بالعبيط ... و الجوارى متبعترين فى كل حتة .... و المداحين بينافقونى فى الرايحة و الجاية ....و أبقى سلطان زمانى
عقدة نقص من الآخر يعنى

اول اولويه فى حياتك...عيلتك ...شغلك و لا اصحابك؟؟؟

امممممممم .... هى القاعدة انى أعامل الناس كلها فى الله .... بما فيهم نفسى
مين قبل مين سؤال برئ شويتين .... الأمور معقده عن كده افتكر

ايه اكتر حاجه بتحبها فى رمضان؟؟؟؟
.... روحانياته
الدنيا بتلهي أوى .... بس رمضان - سبحان الله – نفسى بتبقى مقبله على العبادة أوى .. ببقى حاسس انى قريب ... ربنا يكتر من الأيام دى

اوصف ليا اجمل فطار ممكن تفطره؟؟
لما أكون فى وسط عيلتنا .... ولا يمنع انى أكون طفس و أقول لما يكون الأكل كمان جامد

لو انت حاكم على مجموعه من الافراد هتكون عادل؟؟؟ طب هتعمل ايه علشان تتاكد انك حاكم عادل؟؟؟
السؤال عامل بالظبط زى لما تيجى لواحد و تقولله : تفتكر لو وقع قدامك مليون جنيه هتدور على صاحبه و ترجعهوله واللا لأ؟؟؟
ولو جدع قول لأ ...

طب لأ
:p

بأمانة...هحاول
أصل حَكَم على مجموعة من الأفراد غصب عنى هيكون ليا تحيز ... بس ربنا يعين الواحد لو اتحط فى موقف زى ده ... غضب ربنا بيبقى شديد على اللى بيجور على عباده
أتأكد إزاى ....
فى الغالب هتبقى على طريقة محمد صبحى [ هل أنت من المؤيدين لى و لحكمى تأييدا مطلقا :) ... أم أنك - لا قدر الله - من المعارضين :( ] .... أهه مفيش ديموقراطية كده فى الدنيا
الأسئلة الممنطقة دى بتلبشنى ( و مش عارف يعنى ايه بتلبشنى؟!! ) ... هعمل تصويت من الحين للآخر و أى حد له تعليقات أو حاجة مش عاجباه يقولها - و أنا هاطلع .... أهله - قصدى وهناقشها معاه يعني
يووووه .... كفاية كدة على السؤال ده لحسن عقدى ابتدت تظهر

اللى بيبوظ الحكام ...نفسهم و لا الشعب و لا الحاشيه المقربه؟؟؟
اللى بيبوظ الحكام ...
اممممم ... عيوب تصنيع - سوء تخزين و تعبئة و استهلاك -أو بيبقوا جايين منتهين الصلاحية جاهز " و ده الغالب "0
وبعدين منين يبوظ و منين حاشية.. مهو يا كله عامّي يا كله كلام كبير .... معقد و صفصطائى ؛ امممم أظن كده
الشعب مش بيبوظ حد ... ممكن نفسهم و ممكن الحاشية المقربة ... لكن الشعب
ده احنا غلابه يا بيه

مين اكتر اعلامى مصرى بتحترمه؟؟؟

حمدى قنديل ..... برنامج رئيس التحرير و امتداده قلم رصاص على دبى ... بجد الراجل ده خرافة ... مش طبيعى
ونقول كمان أحمد المسلمانى (الطبعة الأولى) و منى الشاذلى (العاشرة مساء)0

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه؟؟لو اه ايه رايك فيه؟
لأ لسه .... بس ان كان بهذه الأهمية أدعبس عليه و أقراه

لو ممكن تشتغل شغلانه تانيه غير اللى انت بتشتغلها او هتشتغلها كنت تتمنى تبقى ايه؟؟؟
حاجة تيجى على قد العبد لله و امكانياته و طموحاته

مش عارف ... حاجة تريح بالى ... مقعدش أجرى طول عمرى و محققش اللى نفسى فيه ليا و لولادى

المهم النفس تبقى راضية

يعني........0

رئيس جمهورية شغال ... و الله راضى مش هقول حاجة

مش قنوع بالذمة

خفيف ... عارف

تانى بلد تتمنى تعيش فيه بعد مصر ايه؟؟؟

معرفش ... بالنسبة لى و لخيالى المحدود - انى أعيش فى بلد غير البلد اللى فيها كل ذكرياتى- مش هتفرق معايا
بجد مش هتفرق ... انا كائن متقوقع بيتوتى،خيالى بيقف عند آخر بلدنا ... ده ان مكنش عند باب الشقة

اوصف ليا ترتيبات اجمل فرح ممكن تحضره
مبعرفش أوصف أو ألك كتير.... المهم عندى البساطة و اللمة و الروح الحلوة ... مش أكتر

بتراعى كلام الناس و القيل و القال؟؟؟ لو اه او لو لا قلى ليه؟؟؟
هق هق هق ... قال كلام الناس و القيل و القال قال ..
ده كان زمان ... دلوقتى بقيت كما يقال ...
هوبّا
آه ... أيوه ... هوبّا ..... بقى ليا شطحات ؛ الله لا يوريكوا
ليه ؛ عشان مليت من محاولة انى ارضى الناس ... أنا على ما أنا عليه و اللى عاجبه كده أهلا و سهلا و اللى مش عاجبه يولع بجااااااااااااااااااز

لو مالقتش الموبايل و لا الكومبيوتر و لا الكاميرا الديجتال و لقيتنا رجعنا لعصر الحمام الزاجل و الحصنه هتكون سعيد؟؟

جدا .... العصر اللى احنا فيه بقى صاخب جدا
بس هو اللى هفتقده بجد ماكنة الحلاقة الاليكتريك - اللى أنا مجربتهاش أساسا - بس ياللا هى دى ضريبة الروقان

السعاده هى.....؟

الرضااااااااااااااااااااااااااااااااااا ... اولا و أخيرا

و ميمنعش شوية حشيش يعنى ... نياهاهاهاهاها

....بهرج طبعا

....أكيد بهرج

أفتكر كده
؟؟؟!!!!!

عندك امل؟؟؟ اسبابك؟؟؟

لا تعليق

لما بتحب تهرب من كل شىء بتروح فين؟؟؟؟

بما انى مش من السهل انى انط على اسكندرية فى كل مرة أكون عايز افضفض ... بهرب لأوضتى لوحدى...إما أصلى ركعتين و أقعد أدعى لحد ماربك يفرجها ... أو بشغل موسيقى هادية واضلم الاوضة و اديها اكتئاب

امتى اول مره خدت فيها نفس طويل كده و قلت بينك و بين نفسك " ياااه اظاهر ان انا فعلا كبرت" ؟

أول مرة جالى فيها شحط طولى تقريبا و الشنب خاطط فى وشه شبرين .... هلف ما شاء الله يسد عين الشمس .... حاجه عظمة يعنى
.. جابنى من فوق لتحت و بعدين

" عمو ... لو سمحت الساعة مع حضرتك كام ؟؟"

؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!

مش فاكر ساعتها أنا خدت نفس واللا نفسى اللى انقطع

لما بتعمل عمل خيرى بيكون ايه هو دافعك الاول؟؟؟

أكيد الوازع اللى جوا أي حد فينا انه مقصرو انه يقدر يدى أكتر من كده
أفتكر ده اللى مقصود من السؤال

بتشرب سجائر؟؟؟ لو الاجابه اه ايه شعورك لو شفت ست بتشرب سجاير؟؟؟ ليه؟؟؟

للأسف ..... للأسف
لأ

بتعرف ايدك اليمين من الشمال ازاى؟؟؟؟
عن طريق تتبع آثار منخور العنكبوت على أشجار الأسمنت بجوار ينابيع الطحين

ايه الأسئلة دى .... مهى مش فيزيا يعنى
.... ايديا اليمين أهيه

.... وآآآآآآ

... و ايديا الشمال

.... آآآآآ

اهيه...

برضه؟؟!!!0

واضحه يعنى

عاااااااااااااااااااااااااااااااااااااااااااااااا

ايه اكتر آله موسيقيه بتحبها؟؟
الكمنجة و يليها العود ..... هموت و اتعلم حاجة فيهم

فى رايك ليه الذوق و النخوه انعدموا؟؟؟؟
أما عن الذوق .... اللى سهل يتهان سهل يهون عليه غيره
و أما عن النخوة .... ففاقد الشئ لا يعطيه .... وانكسر جوانا شئ .... وليه يا زمان مسبتناش أبريا .... و الله يجازى اللى كان السبب
و الحدق يفهم

ايه الحاجه اللى لو حصلتلك تبقى سعيد اوى؟؟؟

.... لغاية قريب كان أقرب رد عندى
أتجوز

و من بعد ما انكسر جوانا ذات الشئ المذكور أعلاه..... معدش فيه حاجة تفرحنى أكتر من انى أشوف فرحة فى عين أى حد يكون ربنا أكرمنى انى أكون من أسبابها
و يا سلام لو كان من القريبين منى ( والدى ، و الدتى ، اخواتى ، اصحابى )0

بس

تختار يبقى عندك...ارض زراعيه و لا اجنس عربيات و لا كام عماره و لا فلوس فى البنك؟؟؟؟

اممممممم .... مش عارف ممكن أجنس عربيات

البحر و لا النيل؟؟؟

البحر

مركب ولا طيارة ؟؟

مركب

مجنون و لا عاقل؟؟
مجنون فى زمانى عاقل فى زمن غيرى

تقرى كتاب و لا تتفرج عليه فيلم؟؟؟
تتفرج على فيلم
ــــــــــــــــــــــــــــــــــــــــــــــــــــــــــــــــــــــــــــــ

و يا سلام عليكم

سيرة بائعة خضار

2008-01-12T22:03:00.000+02:00

في شارع الحلقة توجد بائعة خضار،ام سعيد ،يعرفها معظم اهل الشارع حتي من قبل ان ترزق بابنها سعيد الذي سمته كذلك عسي ان يكون له من اسمه اي نصيب.
و ام سعيد كاي بائعة خضار تمتلك صوتا حيانيا ينشر سمعة الليمون و الطماطم و الخيار في كل انحاء الشارع و هي كاي بائعة خضار تضع الثمار النظيفة الكبيرة فوق سطح القفص تاركة الثمار الهزيلة التعيسة تعرف طريقها الي القاع ، و لأم سعيد اسلوب خاص في الاقناع فهي تجبرك علي شراء اشياء لم تكن تنوي شراءها طمعا فب " الاكازيون" الذي تنصبه بمزاجها او خوفا من " الجرسة" التي ستتعرض لها كرجل طويل عريض يستخسر في اهل بيته " شوية خضار".
الساكنون القادمي في هذا الشارع يعرفون ام سعيد منذ ان كانت متزوجة من سليم " المخلصاتي" ، لم يكن له مهنة واضحة لكنه كان بارعا في الكلام ، يقوم ببعض عمليات السمسرة من آن لآخر و احيانا يختفي لفترات متباينة يعود بعدها بمبالغ مالية و بال رائق و سرعان ما تنفذ الاموال علي روقان البال و لا يتبقي لأم سعيد الا القدر الذي تنجح في اقتناصه بحنجرتها الشهيرة و ملافظها القبيحة.و في اختفاءة من اختفاءات سليم طالت المدة حتي فوجئت ام سعيد بورقتها تزف اليها في فرشتها في قلب شارع الحلقة، يومها سمع الشارع كله تاريخ عائلة سليم المشرّف و خاصة نساء العائلة ، كما نال كل من حاولوا تهدئتها نصيبهم من الاهانات ، تركها سليم و معها ولد و بنت في الاعدادي .
سيد - الابن - كان عايقا من يومه ، طالما ارهق امه بطلباته المكلفة حتي لا يكون اقل من زملاؤه في المدرسة و كانت هي تحاول تدبير الامور بطريقتها ثم اكتشف سيد انه لا يحقق ذاته في التعليم فاقتحم عالم ما خلف اسوار المدرسة و اقتحمه بقوة ، جرب كل انواع المزاج من السجائر و حتي الصنف المفتخر ، و كانت امه دائما تحاول تدبير الامور فحتي بعدما هجرها زوجها كانت فرشة الخضار لا تزال كثيرا ما تفي بالغرض ، و رغم انها كانت تشك بل تعرف بانحرافه الا انها لم تكن تملك الوقت ولا طول البال لتقويمه مع تدبير تكاليف معيشتهم في نفس الوقت ، لكن ما كان يؤثر في ام سعيد - و هي نادرا ما تتأثر - هو تذمر سيد من مهنة امه و خناقاته المستمرة مع رفاقه بسبب حساسيته من ذكرهم لفرشة الخضار و تقليدهم لأمه في مناداتها علي الخضار بصوتها النشاز و مطّها لأواخر الكلمات بطريقة مميزة .
كان يفرغ غضبه كله في وجه اخته زينب التي كانت دائما مكسورة الجناح ، كانت تصغره بعامين، لم يكن لها ابدا رأي في اي شيء فهي دائما " لا تفرق معها" ، و كانت رغم علمها بانحراف اخيها تشعر معه بالامان و تخاف ان تغضبه و تطيعه لاحساسها انه اعلم بالدنيا و انه لو تركهم ستضيع ، حاولت كثيرا ان تلوذ بحضن امها لكنها كانت تستضد دائما بلعن امها لخيبتها القوية في كل شيء ، لذلك حين ارسل سليم الي سيد ليشاركه مع الناس الكبار الذين يعمل معهم و يعيش مع زوجته الجديدة - هذا العرض الذي لم يفكر سيد في رفضه - فضلت زينب ان ترحل معه تاركين امهما تلعنهما و تبكي كثيرا في وحدتها رغم ان كل من شاهدها في فرشتها لم يشعر انها اهتمت لهذا الرحيل ابدا .
المتابعون لأحوال ام سعيد اندهشوا قليلا عندما تزوجت مرة اخري ب " الاسطي " شوقي السواق الذي يعمل علي سيارة نقل صغيرة لنقل الخضار من سوق الجملة الي صغار البائعين و الذي اوقعه حظه للتعامل مع ام سعيد ذات يوم فاعجبه زعيقها و سيطرتها علي المنطقة و كفاحها فقرر في اول حركة ثورية في حياته الهادئة ان يتزوج منها و هو الذي تعود ان يعيش في حاله بعيدا عن المشاكل ، و هي لم تعترض فظل رجل افضل من ظل حائط ، و الاسطي شوقي رجل طيب و كسيب و يكبرها بعشر سنوات و لن يفكر في مغامرات يضيع فيها شقاءه ، و لدهشة اهل الشارع رزقت بسعيد علي غير توقع فهي ليست صغيرة ، و لذلك و نكاية من نساء اهل الشارع فيها دأبن علي تسميتها منذ ذلك الحين ب" الحاجّة" ، تلك التسمية التي فهمتها ام سعيد جيدا و لم تعجز عن الرد عليها .
لم تفرح ام سعيد كثيرا فسرعان ما هزل شوقي هزالا شديدا و اصفر لونه و في يوم تقيأ دما كثيرا و هرعوا به الي المستشفي و هناك و بعد ان سبّت نصف العاملين بالمستشفي افهموها ان زوجها مريض مزمن بالكبد و يحتاج الي علاج طويل الامد يكلفهم كل ما يملكوه و زيادة فعادت به الي البيت ليراقب بطنه و هي تنمو و جسده و هو يهزل و ام سعيد و هي تحمل ولدها معها كل يوم الي فرشتها لتضعه في قفص خضار اعدته له في مكان ظليل وسط فرشتها.
في هذا اليوم سمعت سارينة الشرطة في أول الشارع ، لم تعبأ فهي التي طالما لم يهمها شنبات الداخلية منذ ايام "الهوجة" التي سموها "هوجة الحرامية" عندما خبأت في بيتها اثنان من " العيال بتوع السياسة " لعدة ايام لأن واحدا منهم كان يشبه ابنها الذي كان وقتها مختفيا لعدة ايام كعادته ، حتي عندما اخبروها عن البك الجديد " بتاع المرافق" لم تعبأ كثيرا فماذا سيفعلون بها اكثر مما هي فيه ، لكن السارينة لم تتوقف و استمرت سيارات الشرطة في توغلها داخل الشارع حتي و صلت الي منتصف الشارع و نزل المخبرون يحملون الاخضر و اليابس بحجة شغل الطريق العام ، كل ما طالته ايديهم حملوه ، ام سعيد استقبلتهم بأقذع السباب لكنهم حينما اقتربوا من فرشتها حملت كل ما استطاعت حمله من اقفاص و ساعدها رجال الشارع و لاذت الي اقرب مدخل بيت و هي تولول و المخبرون يحملون كل ما تبقي من الفرشة لكنها اطلقت صرخة شنيعة عندما رأت قفص سعيد محمولا و مطوحا في الهواء ليرقد وسط الكراكيب في صندوق سيارة الشرطة التي انطلقت سريعا بدويّ سرينتها المزعج .
بعدها لم تعد ام سعيد كما كانت ، ارتسمت علي وجهها تلك النظرة الذاهلة التي لم تمحي حتي اليوم ، ظلت موجودة في الشارع تجلس مكان فرشتها القديمة بنفس الثوب الاسود الرث الذي ازداد توحلا و رثاثة و بنفس الفاظها القبيحة تنعت بها اي شخص يعبر امامها و احيانا تقوم لتطارد شخصا ما بسبابها او تقذفه بحجر لكن النظرة الذاهلة في عينيها لم تتغير .
في شارع الحلقة كانت توجد بائعة خضار ، و القادمون الجدد الي الشارع يرون هذه المرأة ذات المنظر الرث تطارد الناس و تشتمهم و ربما يسمعون شيئا من حكايتها من السكان القدامي للشارع

سؤال منطقي وإجابة أكثر منطقية

2008-01-09T16:52:00.000+02:00

هو احنا بنسرق ليه يا حسن ؟

مش عشان مستقبل أفضل لأولادنا

طلعت زكريا من فيلم حرامية فى كي جي تو

بينظير ذو الفقار علي بوتو

2007-12-28T00:40:00.000+02:00

هو من يبتدىء الخلق

وهم من يخلقون الخاتمات

هو يعفو عن خطايانا

وهم لا يغفرون الحسنات

هو يعطينا الحياه

دون اذلال

وهم إن فاتنا القتل،

يمنون علينا بالوفاة

شرط أن يكتب عزرائيل

إقرار بقبض الروح

بالشكل الذى يشفى غليل السلطات

هم يجيئون بتفويض إلهي

وإن نحن ذهبنا لنصلي

للذى فوضهم

فاضت علينا الطلقات

واستفاضت قوة الأمن

بتفتيش الرئات

عن دعاء خائن مختبىء في السكرات

وبرفع البصمات

عن أمانينا

وطارت عشرات الطائرات

لاعتقال الصلوات

ربنا قال

بان الارض ميراث ألتقاة

فاتقينا وعملنا الصالحات

والذين انغمسوا فى الموبقات

سرقوا ميراثنا منه

ولم يبقوا منه

سوى المعتقلات

طفح الليل00

وماذا غير نور الفجر بعد الظلمات؟

حين يأتى فجرنا عما قريب

يا طغاة

يتمنى خيركم

لو أنه كان حصاة

أو غبارا فى الفلاة

او بقايا بعرة فى أست شاة

هيئوا كشف أمانيكم من الآن

فإن الفجر آت0

أظننتم،ساعة السطو على الميراث

أن الحق مات؟

لم يمت بل هو آت

قصيدة ولاة الأرض لأحمد مطر

عيدكم سعيد

2007-12-18T23:55:00.000+02:00

كل سنة وانتم طيبين

عبد الرحمن الزيني

...

...
نقلا عن مدونة
حيـــــاة وأكــثــــر

أم الدنيا

2007-12-15T01:26:00.000+02:00

إغرق في إيطاليا تتشحن مجانا

إغرق في اليونان تتشحن مجانا

إطفش من البلد تغرق و نكفرك

السلطات المصرية تكثف الاتصالات مع السلطات التركية لاستكمال الإجراءات الخاصة بتحديد جنسية المتوفين تمهيدا لشحن جسامين من تثبت جنسيتهم المصرية0

الناجون المصريون ادعوا إنهم فلسطينيون0

_______________

فكرة علي سبيل الحسرة

نتائج البحث عن كلمة غرق علي محرك البحث جوجل

بمناسبة العشره الاوائل فى ذى الحجه

2007-12-11T17:56:00.000+02:00

اللهم ثبتنا على كراسينا

وبارك لنا فيها

واجعلها الوارث منا

واجعل ثأرنا على شعبنا

وانصرنا على من عارضنا

ولا تجعل مصيبتنا في حُكمنا

ولا تجعل راحة الشعب أكبر همنا

ولا مبلغ عِلمنا

ولا الانقلاب العسكري مصيرنا

واجعل القصر الرئاسي هو دارنا ومستقرنا

االلهم إنا نسألك فترة ممتدة

وهجمة مُرتدة

والصبر على المعارضة

والنصر على الشعب

ونسألك الحُسن لكن لا نسألك الخاتمة أبدا

اللهم ارزقنا معونة لا نسرق بعدها أبدا

اللهم لا تفتح أبواب خزائننا لغيرنا

اللهم أعطنا كلمة السر لحسابات الحكام السابقين لنا في بنوك سويسرا

اللهم وفق أمريكا لما فيه خيرنا

اللهم اغفر لـ (جورج بوش) فإنه لا يعلم أننا لا نعلم

اللهم وفقه لما فيه 99% من أصوات الناخبين

اللهم نجهِ من أي إعصار أو كارثة طبيعية لأننا سنلوص مع شعوبنا من غيره

اللهم عليك بشعبي، أما أعدائي فأنا سأتفاوض معهم

اللهم ارزقنا حب أمريكا

وحب من يُحب أمريكا !

وحب ما يُقربنا إلى حب أمريكا

اللهم أمركني ولا تأفغني

اللهم برطني ولا تصوملني

اللهم فرنسني ولا تسودني

اللهم ألمني ولا تؤلبني

اللهم أني أبرأ إليك من الاستعانة في حكم شعبي بأحد

ولا حتى بصديق، ولا برأي الجمهور

اللهم أني أعوذ بك من كرسي يُخلع

ومن شعب لا يُقمع

ومن صحيفة لا تُمنع

ومن خطاب لا يُسمع

ومن مواطن لا يُخدع

وأعوذ بك من أن أجلس على الكرسي ثم أقوم أو أ ُقام عنه

اللهم ثبتني على الكرسي تثبيتا

و شتت المعارضة تشتيتا

ولا تبق منهم شيطاناً ولا عفريتا

و بارك لي في البارتيتة

اللهم آآآآآآآآمييييييييين آآآآآآآآمييييييييين

بقلم بلال فضل

2007-12-01T01:18:00.000+02:00

لو لو لو لو لو لوي

يا جماعه الخميس اللي فات شهد احتفال تاريخي

اخونا المتكاظي"شفيع"...قرا فاتحة كارمن"مارو" ـ

وبصراحه يا جماعه انا مش عارف اقول ايه...لأن بجد فرحتنا بيهم كبــــــــــــــــيرة جدا

يارب يتم ليهم على خير

وعقبال عندكم جميعــــــــــا

الرسام الإيراني أيمن المالكي

2007-11-13T02:35:00.000+02:00

اللوحات مرسومة

أتركك للدهشة

كويلهو كمان وكمان

2007-11-10T02:34:00.000+02:00

نزلت السيدة العذراء حاملة يسوع بين ذراعيها إلى الارض لزيارة دير0وقف الرهبان شديدى الفخر صفا لتكرميها0 ألقى أحدهم قصائد، أخرج لها آخر كتابا مقدسا مزخرفا ، وعددَ آخر أمامها أسماء القديسين0

فى آخر الصف وقف راهب متواضع لم تتح له فرصة الدراسة مع حكماء زمانه ، كان أبواه من البسطاء العاملين فى السيرك0

عندما وصل دوره أراد الآخرون إنهاء مظاهر التكريم خوفا من الإساءه إلى صورة الدير ، لكنه أراد هو أيضا إظهار حبه للعذراء، فأخرج من جيبه ، محرجا ،وشاعرا بنظرة إخوته المستهجنة ، بضع برتقالات وأخذ يرمى بها فى الجو ويلتقطها مثلما علمه أبواه0

عندها فقط ضحك يسوع ، وصفق بيديه فرحا ، فمدت العذراء يديها إلى الراهب وعهدت إليه بطفلها بعض الوقت0

ــــــــــــــــــــــــــــــــــــــــــــــــــــــــــــــ

باولو كويلهو

مكتوب

2007-11-09T01:04:00.000+02:00

مساء الخير يا جماعة

الصديقه الغالية جين تعبانة

ندعلها كلنا انها تقوم بالسلامة

يارب تقوم بالسلامة بسرعة

متنسوش تقروا بوست شفيع أصله لسا منزله وهايولع فيا اني نزلت فوقه :)0

الحديقة النائمة

2007-11-08T19:40:00.000+02:00

سرقت يدي حين عانقها النوم

غطيت أحلامها

نظرت إلى عسل يختفى خلف جفنين

صليت من أجل ساقين معجزتين

إنحنيت على نبضها المتواصل

شاهدت قمحا على مرمر ونعاس

بكت قطره من دمى

فارتجفت...0

الحديقة نائمة فى سريري

ذهبت إلى الباب

لم ألتفت نحو روحي التى واصلت نومها

سمعت رنين خطاها القديم و أجراس قلبي

ذهبت إلى الباب

مفتاحها فى حقيبتها_

_وهى نائمة كالملاك الذي مارس الحب

ليل على مطر فى الطريق , ولا صوت يأتي

سوى نبضها والمطر0

ذهبت إلى الباب،

يفتح الباب ،

أخرج0

ينغلق الباب0

يخرج ظلي ورائي0

لماذا أقول وداعا؟

من الآن صرت غريبا عن الذكريات وبيتي0

هبطت السلالم،

لا صوت يأتى سوى نبضها والمطر

وخطوي على درج نازل

من يديها إلى رغبة فى السفر0

هنا قبلتنى

هنا ضربتنى صواعق من فضة وقرنفل0

هنا كان عالمها يبتدىء

هنا كان عالمها ينتهي0

وقفت ثواني من زنبق وشتاء،

مشيت ،

ترددت،

ثم مشيت،

أخذت خطاي وذاكرتي المالحه

مشيت معي0

لا وداع ولا شجرة

فقد نامت الشهوات وراء الشبابيك،

نامت جميع العلاقات،

نامت جميع الخيانات خلف الشبابيك،

نام رجال المباحث أيضا...0

وريتا تنام....وتوقظ أحلامها0

وفي الصباح ستأخذ قبلتها،

وأيامها،

ثم تحضر لي قهوتى العربية

و قهوتها بالحليب0

وتسأل للمره الألف عن حبنا

وأجيب

بأني شهيد اليدين اللتين

تعدان لي قهوتي فى الصباح0

وريتا تنام...تنام وتوقظ أحلامها

نتزوج؟_

نعم0

متي؟_

حين ينمو البنفسج

على قبعات الجنود0

طويت الأزقه،مبني البريد،مقاهي الرصيف،نوادي

الغناء،وأكشاك بيع التذاكر0

أحبك ريتا0 أحبك0 نامي و أرحل

بلا سبب كالطيور العنيفة أرحل

بلا سبب كالرياح الضعيفة أرحل

أحبك ريتا0 أحبك 0 نامي

سأسأل بعد ثلاثة عشر شتاء

:سأسأل

أما زلت نائمة

أم صحوت من النوم ....0

ريتا! أحبك ريتا

أحبك...0

محمــــــود درويــــش

قووووول يا شاعر

2007-11-06T01:12:00.000+02:00

بمناسبة المؤتمر العام للحزن الوطنى إليكم آخر قصائد شاعرنا الفحل _والفحوله هنا أقصد بها قوته كشاعر وليس غباءه كحاكم علشان محدش يقولنا كلام واللى عايز ياخدها بالمعنى التانى ماليش دعوه يخلص اموره مع أمن الدوله -إلى شعبه الحبيب0

إسمع واتمزج ..........قول يا شاعر قول

يا شعبي حبيبي يا روحي يا حبيبي ياحاطك في جيبي يابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي ياللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل لي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

القصيده نقلا عن موقع مصريين بلا حدود

ماذكروش إسم الشاعر

فاللى يعرف ياريت يفيدنا

متهيألى هى الشاعره إيمان البكري

2007-10-30T00:17:00.000+02:00

من غير ما حد يتخض

ادعوا لأمي من فضلكم

ان ربنا يشفيها ويقومها بالسلامة

ماحدش يتخض انا بقولكم اهو

بس ادعولها

على حسن سلوكه

2007-10-22T04:36:00.001+02:00

2007-10-21T07:54:00.000+02:00

إلى سها.....

ممكن تدعيلنا!!!!!

أحلى بدايه جديده

2007-10-15T02:56:00.000+02:00

بعد ما خلصت الامتحانات وانكشفت الغمه واخدنا فترة نقاهه بسيطه قررنا ننفض التراب من البلوج اللى على ما اعتقد ناس كتير رمت طوبته من زمان بس هى الظروف بقى0

بقيت مشكله صغيره اننا بقالنا كتير ما كتبناش حاجه ودايما البدايه بتكون صعبه حاجه كده زى ما يجيبوا لعيب يلعب ماتش بعد شهرين اصابه لكن على قد ما كانت المشكله على قد ما كان الدافع انك تبتدى أجمل 0

هو مهندس طازه دمه زى العسل ويستاهل كل خير وهربان من التجنيد بمفصل بيقلب :) متهيألى اسمه عمرو عبد السميع على ما افتكر يعنى 0

أينعم هو طلع عنينا علشان يعزمنا على حاجه بس مش مشكله اهو دفع وخلاص0

عارف يا عمرو انك بتفكر فى اللى حصل والشعور بتاع انك اتدبست وكده بس مشكله والله حلوه يا واد ومش هتلاقى زيها

وصدقنى مش هفتن عليك واقول انك كنت ناوى ترجع فى كلامك ابدا خالص خالص هو انا بخرب بيوت؟؟ انت تعرف عنى كده؟؟

هى مشروع اعلاميه معرفش فى انه حته بس هى مشروع ومحتاج يطول:) طبعا مش هتكلم واقول انها من اجدع البنات اللى الواحد عرفهم واننا كلنا فرحنا ان ربنا تمملها على خير لكن الله اعلم يمكن الكلام اللى قالته فوق يغير الوضع لكن صدقونى انا جى أهدى النفوس بس كل الشباب بيحس كده يا لولو ما تتضايقيش :) اوعى تفتكرى انى بوقع علشان عزمنى على كابتشينو بس وماكلتش مش انا الراجل ده يا لولو0

ربنا يجمعكم على خير يارب ونشوفكم وانتوا لايصين بالعيال ويبقى بابا عمرو وماما لولو هههههههههه مش قادر اتخيلكوا متهيألى هتتخانقوا معاهم على سيريلاك0

ده الخبر الاولانى الحلو وفيه خبر تانى بخصوص عماد جارى التأكد منه لكن لو طلع صحيح هيبقى رد المتكاظين

قوى

وشنيع

ومريع

وفظيع

جدا

مع الاعتذار لنبيل فاروق

محكمة

2007-10-06T19:57:00.000+02:00

أيها السادة الكرام
اليوم محاكمة اعظم اللئام
ويقولون عنه رب الاهرام
انه متهم بهتك عرض السلام
متهم بسرقة حلاوة الايام
متهم باغتصاب الاحلام
متهم بقتل الكلام
ايها الرئيس انصت للكلام
اريدك ان تبقى فى هدوء و سلام
لقد ارهقت عقول الكبار
وجعلت الشباب فى حصار
حصار من الحيرة و الضياع
حصار من الضعف و الاوجاع
وقفت تبتسم و ارتديت القناع
مرسوم عليه حلم قديم ضاع
وبعد كل هذه الاتهامات
حكمت المحكمة عليك حضوريا
ان تنتقم منك كل الفئات
و سيكون ذلك عقابا فوريا

رمضان جانا .. كونوا معانا

2007-09-12T01:48:00.000+02:00

كل سنة واحنا كلنا طيبين

يارب ايامنا وليالينا فى رمضان تعود علينا بخير

ونجتمع فى الدنيا فى رسالة سوا .. ونجتمع فى الآخرة فى الجنة بردوا سوا

قولوا آآآآآآآآآمين

س و ج

2007-09-05T01:20:00.000+03:00

أول مره أخش النت من مده كبيره

طبعا مش هتكلم فى امتحانات وايه اللى حصل وايه اللى جرى لان دى شئون داخليه تناقش على مستوى الاسره ولا داعى لنشر غسيلنا النضيف على الناس0

بجملة أن الواحد فى فترة الامتحانات مهمته الوحيده انه يجاوب فدى احسن فتره الواحد يرد فيها على تاجات خصوصا انه ساعتها هيبقى فى فورمه كويسه يجاوب فيها من غير تصحيح و درجات0

اشكر جدا باش مهندسه مى على توجيهه للمتكاظين و نردهالك قريب لما نخلص بس :)

على فكره التاج ده من تأليفها يعنى انتاج خاص وحقوق الملكيه محفوظه وعلى المتضرر اللجوء لنقابة المهندسين

لو قالولك اختار عصر من عصور مصر علشان تعيش فيه ...تختار اى عصر و فى عهد اى حاكم ؟؟اشمعنى العصر ده؟؟

قبل ما اعيش فى اى عصر لازم اخطف رجلى للعصر الفاطمى كده احضر رمضان فيه واشوف المدفع والكنافه فى اول انتاج ليهم اما بقى العصر اللى اعيش فيه فهو عصر الوكسه والعبور الى ما بعد المستقبل فى عهد الحاكم تامر جمال مبارك علشان لما اشوف فيلم محمد سعد اكركع وهو بيقول الله يلعن اللى جابوا ابو ابو ابوكوا0

اول اولويه فى حياتك...عيلتك ...شغلك و لا اصحابك؟؟؟

الاولويه فى حياتى لحياتى بما فيها عيلتى وشغلى واصحابى والانسانه اللى هرتبط بيها اينعم الواحد هيبقى على كذا حبل بس الله المستعان0

ايه اكتر حاجه بتحبها فى رمضان؟؟؟؟

القعده فى بلكونتنا قبل المغرب و الشوارع فاضيه والناس بتمد علشان تلحق الفطار وصوت قرآن المغرب بصوت الشيخ عبد الباسط طالع من الراديو والراجل اللى بيقول مدفع الافطار اضرب بووووووووووم

اوصف ليا اجمل فطار ممكن تفطره؟

والله انا مش أكيل قوى يعنى انسان صديق للبيئه ههههههههه

بس عموما يعنى حلاوة الاكل فى اللمه مش مهم ايه اكتر من انه مع مين وفين

لو انت حاكم على مجموعه من الافراد هتكون عادل؟؟؟ طب هتعمل ايه علشان تتاكد انك حاكم عادل؟؟؟

ما تمناش ابدا انى اكون حاكم الواحد مش حمل مسئولية انه يتسأل عن كل الناس اللى فى رقبته وتحت حكمه لكن لو حصل فالواحد يتمنى انه يكون فى عدالة الفاروق عمر وهطمن انى حاكم عادل لما الفقير و الغنى يبقوا قدام الحق واحد وهحاول جاهدا انى اخلى الفقرا يصيفوا فى مارينا0

اللى بيبوظ الحكام ...نفسهم و لا الشعب و لا الحاشيه المقربه؟؟؟

اكيد انفسهم اولا0 سلطه نفوذ جاه وقوه وعلى راى المثل الشعبى اللى يلاقى دلع وما يدلعش واحنا الحمد لله مريحين جدا واخرنا كلمتين نقولهم فى قعده

شعب حبوب قوى يعنى لكن ما ينفعش نلوم نفسنا كتير اصلها مش ناقصه شعب ما كانش لاقى ياكل دلوقتى لا لاقى ياكل ولا يشرب ونحاول نوعيه ساسيا ونقوله بيع بنوك وخصخصه وفساد سياسى واقتصادى وتعليم وصحه معتله مش هيفهم ولا هيسمع غير لما احتياجاته كانسان تتوفى فى الزمن ده والوقت ده ثورة شعب مصر هتكون ثورة جياع وبطاله وفقر

اما بخصوص الحاشيه فهم ذباب ياتى على جيفه0

مين اكتر اعلامى مصرى بتحترمه؟؟؟

حمدى قنديل

قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه؟؟لو اه ايه رايك فيه؟؟

لم اقرأه ....دم دم دم تش

لو ممكن تشتغل شغلانه تانيه غير اللى انت بتشتغلها او هتشتغلها كنت تتمنى تبقى ايه؟؟؟

وانا صغير كان نفسى اطلع سواق قطر مش عارف ليه

لكن لو بايدى انا كان نفسى ابقى عازف مؤلف موسيقى كاتب صحفى الحاجات اللى فيها ابداع بحبها وبحترمها قوى

تانى بلد تتمنى تعيش فيه بعد مصر ايه؟؟؟

البرازيل

بحب وش ناسها المبتسم دايما......عموما يعنى اى دوله من دول امريكا الجنوبيه

اوصف ليا ترتيبات اجمل فرح ممكن تحضره ؟

مكان فيه خضره وميه وعريس وعروسه بيحبوا بعض ودماغهم بايظه وسعدا و الناس فرحنالهم و ممكن بوفيه مفتوح علشان الرجاله تاكل بس هههههههههههههههههههه

بتراعى كلام الناس و القيل و القال؟؟؟ لو اه او لو لا قلى ليه؟؟؟

مش فى كل الاحوال...لكن اللى يحكم الغلط والصح لكن فى النهايه مساله نسبيه

صحيت ملقتش الموبايل و لا الكومبيوتر و لا الكاميرا الديجتال و لقيتنا رجعنا لعصر الحمام الزاجل و الحصنه هتكون سعيد؟؟؟

جداااااااااااااااااااااااااااااااااا

السعاده هى.....؟

راحة بال...حد يخاف عليك....كوباية قهوه دافيه والدنيا برد ومغيمه

عندك امل؟؟؟ اسبابك؟؟؟

أكيد............علشان اقدر اعيش

لما بتحب تهرب من كل شىء بتروح فين؟؟؟؟

أى حته مايكونش فيها صوت ناس مكان هادى و مضلم لكن الصوره المثاليه قدام البحر فى اسكندريه

امتى اول مره خدت فيها نفس طويل كده و قلت بينك و بين نفسك " ياااه اظاهر ان انا فعلا كبرت" ؟

لما اى طفل صغير يوقفنى فى الشارع ويقولى الساعه كام يا عمو

لما بتعمل عمل خيرى بيكون ايه هو دافعك الاول؟؟؟

اكيد الواحد بيبقى طمعان فى ثواب ربنا وطبعا الاحساس انك ادخلت السرور على حد بيبقى طعمه حلو

بتشرب سجائر؟؟؟ لو الاجابه اه ايه شعورك لو شفت ست بتشرب سجاير؟؟؟ ليه؟؟؟

لا.......وما بطقش منظر ست بتشربها وما بطقش اكتر واحده تقولى اشمعنى انتوا واننا متساويين وتحولها لقضية حقوق مرأه

بتعرف ايدك اليمين من الشمال ازاى؟؟؟؟

سهله خالص ايدى اليمين فى الجنب اللى فيه رجلى اليمين وايدى الشمال فى الجنب اللى فيه رجلى الشمال

ايه اكتر آله موسيقيه بتحبها؟؟

الناى والكمان

فى رايك ليه الذوق و النخوه انعدموا؟؟؟؟

اكيد ما انعدموش....بس كترت بجملة بقى الانحطاط السياسى والثقافى والاخلاقى

كل أمه ليها فترة اضمحلال متهيألى احنا فيها دلوقتى

ايه الحاجه اللى لو حصلتلك تبقى سعيد اوى؟؟؟

أفتح كيس المينى مولتو الاقى فيها ست قطع بدل خمسه ... اسامه لقى سبعه قبل كده

تختار يبقى عندك...ارض زراعيه و لا اجنس عربيات و لا كام عماره و لا فلوس فى البنك؟؟؟؟

بيت على قدى مع واحده أحبها وتحبنى

البحر و لا النيل؟؟؟

بحر

مركب و لا طياره؟؟؟

طياره

مجنون و لا عاقل؟؟

عاقل

تقرى كتاب و لا تتفرج عليه فيلم؟؟؟

أقراه الاول وبعدين أشوفه فيلم

بتمرر التاج لمين؟؟؟

كل المتكاظين

وكل واحد اتمنى ان الاشاعه تطلع صح ههههههههههههههههههههههههه

شرقي

2007-08-16T17:16:00.000+03:00

أهداني قداحة ذهبيـــــــــة بعد جدال طويل

وقال انها لعلمه بحبي للتدخين

أهداني أياها بأبتسامة ورضا نفس غريب

أو ليس شرقيـــــــــــاً؟؟؟

لماذا أستسلم ولم يكن ككل الشرقيين

لم يجادل ويستنكر ويستشهد بالسابقين واللاحقين؟؟؟؟

مع الوقت حبيبي أتعبني التفكير

حينها أدركت الحقيقة

أنت لست شرقيا كالأخرين

أنت أكثر شرقية منهم ومن السابقين

أهدتني القداحة لأشعل بها سجائرك وقت التدخين

وبالتالي لم يعد هناك وقت لا لي ولا للتدخين

حبيبي انت شرقي اكثر من الاخرين مجتمعين

أعـــــــــــــز الناس

2007-08-16T15:56:00.000+03:00

لو كل واحد فينا سأل نفسه... مين هما أعز الناس بالنسبة ليه ؟؟ أكيد الأجابة حتختلف...ماما... بابا... جوزي ... مراتي... ولادي ... أخويا... أختي... صديقي ... صديقتي... خالي ... خالتي ...عمتي ...عمي ... جاري। أكيد كل دول من أعز الناس بس لو فكرنا بعمق أكتر هنكتشف ان في حياتنا ناس هما لينا من أعز الناس مع إننا عمرنا ماشوفناهم ولا كلمناهم!!! بس عشنا معاهم مع أرائهم مع أفكارهم مع كلامهم مع صوتهم । أكيد أثروا فينا و لو بشكل غير مباشر, ... مفكرين ,مؤلفين, ملحنين ,علماء ,شعراء ,ممثلين و مطربين. لأنهم في حياتنا و في وجداننا أكيدهيكونوا دايماً حبايبنا أعز الناس

ده مش كلامي انا علي فكرة ده كلام في بلوج أعز الناس

جبت الكلام عشان ناوية اتكلم علي حد من أعز الناس دول......من كام يوم كنت بتفرج علي فيلم خللي بالك من زوزو طبعا جه في دماغكم السندريلا والواد التقيل والكلام ده

لكن انا ناوية اخيب ظنكم واتكلم علي حد تاني خالص

ناوية اتكلم علي تحية كاريوكا

فنانة من اكثر الفنانات اللي تستمتع وانت بتشوفها سواء كانت بتمثل او بترقص ايام ما الرقص كان لسه بخيره ولا مؤاخذة يعني

مفتكرش اني شفتها مرة بترقص بأبتذال

كانت فنانة بجد

الفنانة دي بقي في الفيلم ده كانت بتمثل جزء كبير من حياتها بجد .....أم حنينة جدا وفنانة كبيرة ومبتتنكرش لفنها زي تحية بالظبط في الحقيقة...

بحب اشوفها في الفيلم وهي قاعدة علي الكنبة وحواليها البنات بتعلمهم الرقص تحس انها ملكة والكل عايز ينال اعجابها

بحب أشوفها لما بتاخد سعاد في حضنهالما تيجي تراضيها بعد ما تزعلها
بحب اشوفها بتخاف علي سعاد

حتي بحب اشوفها وهي بترقص في الحفلة وهما بيتريأو عليها وهي بتقول ان ده شغلها ....بجد عينيها بيبقي فيها كلام كتير ووشها بيترسم عليه اكتر معاني الحزن الحقيقية ...بحس انها بتتحسر علي زمنها اللي فات

،لو اتكلمت علي تحية هتكلم كتير علي فنها وعلي حياتها ....وعلي فكرة تحية كان ليها نشاط سياسيا القي القبض عليها أكثر من مرة بسبب نشاطها السياسي السري ، ...

لكن انا هنا بتكلم عليها كفنانة في فيلم أبلغت فيه تمثيلا وتعبيرا

تحية لاجمل وأعظم تحية ....يكفي اني اقول اني لما بفكر في الفيلم بنسي شقاوة سعاد وحلاوة حسين وافتكر حنية وعظمة تحية كاريوكا

وياريت كل واحد فينا يفتكر علي الأقل واحد من أعز الناس دول....ويقولنا عليه

حتى انت يا بروتس

2007-08-09T17:03:00.001+03:00

من براءة الاطفال الى غنج
الكليبات

احنا فى زمن المسخ

وجب النشر

2007-07-27T06:00:00.000+03:00

وصلني مؤخرا من مصادر خاصة"ايميل مبعوت" هذا الاستفسار

في الفترة الاخيرة كثرتالمقالات عن الغرف السرية في الهرم الأكبر و عن مثلث برمودا , و عن عدد عشاق جوزفين زوجة نابليون ..
ملايين الصفحات عن السفر عبر الزمن و الثقوب السوداء , و عن كيف تعرف الطيور المهاجرة طريقها ...

و السؤال بصراحة .. هل إجابة هذه الأسئلة تهم أي أحد منا ؟؟!
هل سيتحسن دخلك لو كشفوا سر برمودا ؟؟!
هل ستصبح زوجتك أكثر جمالاً لو عرفنا أي ثقب أسود يقود إلى مجرة ( المرأة المتسلسلة ) ؟!!

الجن و الأشباح .. حقيقة أم أكاذيب ؟! ... أي أحمق هذا الذي يريد أن يعرف ؟!!!

اليوم أيها ال......."حذفت من الرقابة...كان كاتب يا أوغاد...أسيبه يشتمكم يعني" أقدم لكم الأسئلة التي تهمنا حقًا و التي تمس صلب القضية كما يقولون , بل و سأكون وغدًا "بيشتم نفسه...احنا مالنا" للدرجة التي ستجعلني أقترح عليك إجابات لهذه الأسئلة ..
و الآن هل الكل مستعد ؟ .. برجاء ربط الأحزمة و الإمتناع عن التفكير ..
لتبدأ الأسئلة :

1
من أين يحصل طلبة الطب على الجثث و الهياكل العظميةالتي يدرسون عليها؟! :
- هذه جثث طلبة الطب الأوائل الذي انتهى بهم الأمر بعد سنوات من الدراسة إلى الموت جوعًا .
- هذه جثث من لم يستدل عليهم في الحوادث ... أو من لم يستطع ذويهم دفع فواتير المستشفيات التي – لسوء حظهم – ماتوا فيها ..
- الآن عرفنا مالذي يحدث للمقابر التي يقام عليها أبراج سكنية !

2
أين يذهب المليونرات الذي يربحون في جوائز ( اتصل بالرقم 0900 ) ؟! :
- هذه المسابقات ما هي إلا وسيلة مبتكرة للنصب
- هذه المسابقات ما هي إلا وسيلة مبتكرة للسرقة
- يهربون إلى سويسرا كما هي عادة من يحصل على مليون جنيه في هذا البلد !

3
لماذا تنقطع الكهرباء ليلة امتحان آخر العام ؟! :
- إنها يد القدر التي تمتد لك بالمساعدة , بأن تمنحك عذر مقبول !
- إنها محاولة الحكومة لتقليل عدد المتخرجين من الكليات لحين بناء مقاهي جديدة
- النور لم ينقطع , لكنك أصبت بالعمى المؤقت – أو الدائم – حين رأيت كم الورق الذي لم تراجعه بعد !

4
لماذا يقف أحدهم أمام عند باب المترو ليسد الطريق أمام الجميع ؟! :
- إنه مـتأمل .. يكتشف الآن أسرار الكون برؤيته للبشر يمرون بسرعة من نافذة المترو .
- إنه ينتظر بشوق نسمة الهواء اليتيمة التي تدخل العربة حين التوقف في المحطات .
- إنه يريد الإنتحار .. لكن للأسف الباب لا يفتح إلا حين تتوقف العربة !!

5
ما الذي يهم المشاهد أكثر ... أن يعرف نتيجة أحد المباريات أم عدد شهداء الليلة الماضية في فلسطين ؟!! :
- نتيجة المباراة طبعًا .. الفلسطينيون يستشهدون كل يوم , كأنه لا يوجد شيء آخر يفعلونه ... لقد صار هذا مملاً !!
- نتيجة المباراة مؤكد .. ثم إنه خطأ فلسطين !! ... من هذا الذي يقوم بعملية انتحارية ليلة المبارة النهائية ؟!!
- نتيجة المباراة قطعًا ... ألسنا خير جنود الأرض ؟ .. حسنًا , الجندي الحقيقي لا يجعل عواطفه تتحكم فيه !!

و في الحلقة القادمة نواصل المزيد من هذه الألغاز التي عجز العلم عن تفسيرها , لكننا نحن – "الشتيمه أعلاه – سنفعل

..
واوعدكم شخصيا لو وصلني حاجه من الاخ الصريح ده ها وصلها على طووووووووووووووول
ولو عندكم رد على الاسئلة
كلى اذان صااااغية

تحديث يا جماعة
المقال ده بتاع دكتور أسمه "دكتور تامر ابراهيم" الظاهر ان الراجل معروف زي ما اوضحت الاخت أماني...وبتشكرها أسرة البرنامج على التوضيح وده يا جماعه لينك لبقيت حاجة الدكتور تامر اللي منظري ها قراله كتير اليومين الجيين دول -كلما سمح الوقت.

مقاومة الإشتغالات(بالشفا)0

2007-07-17T16:13:00.000+03:00

الصوره نقلا عن مدونة باسم شرف

2007-07-02T11:29:00.000+03:00

تقدر تتخيل تفاحه
طبعا لأ
عشان غنى
عارف لو كنت فقير
كنت هتتخيل شجرة تفاح
مش تفاحه
وتتخيل اله وادم وشيطان
وتتخيل كمان ان الاكل منها هو العصيان
وتاكل منها
لانك عشت العمر جعان
تقدر تتخيل تفاحه
طبعا لأ
عشان غبي

قصدى عشان غنى

منقول

متتصوروش استغربت بس فرحت قد ايه

2007-06-18T03:29:00.000+03:00

What Famous Leader Are You?
personality tests by similarminds.com

رباعيات الكسور و الجبر

2007-06-04T03:18:00.001+03:00

كنت راجع من شغلي في قسم العظام لقيت كتاب الرباعيات لصلاح جاهين ، قريت و عشت مع الفيلسوف ولما كل حاجة في دماغي دخلت في بعضها لقيتني بقول:

جبر الكسور عندي و جبر الخواطر

ع الرحيم البر

جبرت من الكسور ياما

و شرخ قلبي ما لقيتله جبر

قعدت افكر يا دنيا في حالك

و احسبها حسبة بالحساب و الجبر

لقيتني حاير و قاعد بفكر

هي الحياة اختيار

ولّا هي جبر ؟؟!!

و عجبي

هروب

2007-05-31T04:45:00.000+03:00

تحملني قدماي – كالعادة – عندما ابحثعن نفسي الضائعة في زحام الحياة اليومية الصاخبة و زخم العلاقات السريعة و الكلمات المنمقة و الابتسامات المصطنعة الي الاسكندرية ، بشرط ان يكون الوقت شتاءاَ .
هذه المرة –مرتديا معطفي الثقيل مرفوع الياقة – كنت اجوب شوارعها الساحرة التي تلمع بماء المطر الذي يغسلها كما يغسل الماشين فيها ، تلك الوجوه التي تشع بالدفء رغم البرد المحيط ، الضحكة التي تجلجل فيسري وقعها قويا في هذا الوقت اكثر من اي وقت آخر .
يلوح لي مقهي بسيط ، تناديني الجدران القديمة التي غيرتها رطوبة البحر ، الكراسي الخشبية و التليفزيون القديم و كوب الشاي بالنعناع و الدفء و ممارسة هوايتي المفضلة في ايام الوحدة و هي تأمل الوجوه العابرة ، الكلمات المبتورة ، ذلك الاحساس بأنك تسمو فوق كل التفاصيل التي تتكون منها الحياة لتكون وحدك ، لم استطع مقاومة ذلك كله فلذت بكرسي في ركن بعيد من المكان .
خافتا كان صوت فيروز و هو يتسلل الي اذني ليتغلغل في دمي مباشرة " انا فزعانة تكون عن جد بتنساني ، و يمكن حبك جد بس انا تعبانة " تغيب عيناي في السماء الرمادية ، لا اسمع سوي بعض كلمات متفرقة يختلط بوقع الامطار و هي تداعب الارض العطشي لهذا التطهر الآتي من السماء .
تظهر هي ، كدفء الشمس المفاجيء في انقشاع سريع للغيوم في يناير ، مرتدية فستانها المفضل لدي و بابتسامتها الساخرة الأثيرة ..... تخطو بخطوتها الواثقة ..... تجتاح المدي فلا يصير شيء حولي سواها .... تسري الرعشة سريعاً تجتاح جسدي كله.... و هي تقترب .... تسحب كرسياً و تجلس ، انظر اليها ، تحتبس الكلمات فلا تجرؤ ان تبوح ، ان تكسر جدار الصمت و وشوشة المطر .
" عندي ثقة فيك ، عندي امل فيك ، و بيكفي ، شو بدك انه يعني اموت فيك " ما زالت فيروز في الخلفية هامسة باصرار، و هي تنظر الي مباشرة و تبتسم ساخرة- كالعادة- نكست رأسي ، لدي رصيد من الهزائم يفوق امة العرب ، جربت الخيانة و النسيان و الهجر ، صرت أخوض المعارك و انا اعرف النتيجة سلفا ..... اتجرعها قطرة قطرة.... ألوكها حتي تجتاحني كاملة ..... بل ربما ادمنتها ، لماذا تأتين الآن و تلحين علي بمعركة قد تجعلني ملكا - افكر ان وصف المعركة ليس مناسبا ، انه طريق لا معركة - و انت من جعلتيه طريقا و ممهدا .... و انا اتردد ..... افكر ، ينفتح الباب فأقف بعتبته فلا ادخل ولا ارحل.... اقيس المسافات و افكر ثانية ... و الوقت يمر ، اغيب كثيرا في الزحام..... و الوقت يمر ، لا اجتاز عتبة الباب .... استدعي معاركي و نشوتي بشجن الهزائم ، اجدني متعبا لا طاقة لي بالسير في طرق طويلة حتي لوصرت في آخرها ملكا... و الوقت يمر...
تقترب هي اكثر ، تحكم اغلاق ازرار معطفي و البرد يزداد شيئا فشيئا لكنها لا تتكلم .... لا تعاتب ....لا تصرخ .... تصر ان تجعل المعركة بيني و بين نفسي و انا اعلم النتيجة سلفا .... كالعادة....
" معقول في اكثر ، انا ما عندي اكثر، كل الجمل و الحكي و الكلام ، فيك " يفوح البيانو الحزين ليتخلل ارجاء المكان و هي تنظر لي نظرة اخيرة ، و تقوم ، ما زال لخطوتها نفس الثبات ، تخرج و تختفي في المدي ، مازالت السماء الرمادية تقوم بدورها في غسل الطريق .
" في حاجة يا استاذ " يعيدني الصوت الأجش للرجل الجالس علي الطاولة المواجهة لي الي ارض الواقع فجأة ، ينبهني الي انني قضيت كل الوقت الذي جلسته في هذا المكان ... وحدي ..... محملقا ناحيته بوجه خالي من التعبير .
اشعر باختناق ، اقرر ان اخرج الي وسع الطريق لأشارك طرقات الاسكندرية شجن الاغتسال ..... يرن تليفوني المحمول ، " البيت " تطالعني الشاشة التي تضيء و تنطفيء و " انت فين من الصبح ، هربت فين تاني ، من يوم ما اتزوجنا و انت و لا كأنك معنا ، مش عارفة انا عملتلك ايه ، .........." تضيع حروفها وسط وشوشة ماء المطر علي الطرقات عندما تداعبها عجلات السيارات المارة ، تعلو في اذني الكلمات " كيفك ، قال بيقولوا صار عندك اولاد ، انا والله فكرتك برة البلاد ، بتيجي علي بالي رغم العيال و الناس ، انت الاساسي و بحبك بالاساس ، بحبك انت ، ملا انت "

صفحات من دفتر مذكراتي

2007-05-26T03:53:00.000+03:00

(انقطعت لمدة عن الكتابة فعدت لأكتب عن الكتابة)

في اول صفحة كتبت:

كلام لابد من وجوده في الصفحة الاولي(مقدمة)

اشتريت هذا الكشكول في يوم ما، مساءا، في نوبة اكتئاب مصحوب بالشجن اصاب بها عادة دون سبب واضح و هي تجعل الكتابة -او بمعني اصح الرغبة في الكتابة - امرا حتميا ، كثيرا لا اجد ما اكتبه ، لكن هذا الدفتر هو للجزء القليل الذي ينساب الي الورق .

لماذا اكتب ؟ هل اكتب كي اغير العالم ؟!! هراء ، هل اكتب كي اغير نفسي ؟ اشك جدا ، انني اكتب كي اكتب ، فعل الكتابة يمنحني ذاتيتي ، هي التي تجعلني ازعم ان شيء ما مني يسير خارج الركب

سأكتب لا لأصلح اي معنا خارجي

بل كي ارمم داخلي المكسور

من اثر الجفاف العاطفي

حفظت قلبي كله عن ظهر قلب

لم يعد متطفلا و مدللا

تكفيه حبة اسبرين

كي يلين و يستكين

محمود درويش

ماذا سأكتب؟ لست ادري ، و هذا هو الشيء الجميل ، الكتابة هي الشيء الوحيد الذي يحمل المفاجأة في هذا العالم، السطور عندما تنساب لها خفقة كفرحة العيد ، كالهدية المنتظرة ، كالكلام المخبأ في طيات افكار الحبيبة في انتظار البوح ...

و في صفحة خالية احببت ان اسودها فكتبت:

هذه الصفحة كانت خاوية كروحي ، هذه الصفحة قد تصير حافلة و صاخبة كالكلام المحتمل كتابته في رأسي ثم لا يكتب منه شيئا

هذه الصفحة مثل ايامي : صباحات مثيرة للتأمل و نهارات صاخبة و ليالي ..... آه يا وجعي الذي ماعدت اشعره و دموعي التي جفت من تلقاء نفسها تاركة لي مرارة الموت ...

Horse Dance

2007-05-19T14:46:00.001+03:00

الليله الكبيرة

2007-05-04T14:35:00.000+03:00

يا عريس يا صغير

علقه تفوت ولا حد يموت

لابس ومغير

وهتشرب مرقة كتكوت

يا أم المطاهر

رشى الملح سبع مرات

بمقامه الطاهر رشي

وقيدي سبع شمعات

_________________________

إهداء لعريسنا صاحب الثلاثة و أربعين عاما

ونشكره لزيارة الزقازيق والتى لولاها ما تم سفلتت الشوارع التى مر بها موكبه الغالي

ويارب المدام يكون عجبها لوازم الفرح اللى جبتها من شارع البوسطه

الحمد لله إنهم رسيوا على أربعه

2007-05-04T14:00:00.000+03:00

شاهد الهدف الإسطورى أمام خيتافي

happy feet

2007-04-27T14:42:00.000+03:00

غني

لا تستطيع؟؟

أرقص

لا تستطيع؟؟

إبتسم

amigoes كن من ال

the lovelace لكن لا تحاول أبدا أن تكون

2007-04-24T03:12:00.000+02:00

بسم الله الرحمن الرحيم

توفت النهارده جدت الصديقة الاء

يارب يصبرها هي وكل اللي كانوا بيحبوها

ويارب تكون اخر احزانهم

امين

ندعلها كلنا يا جماعه

تاج ... اه وربنا

2007-04-22T03:14:00.001+02:00

كنت عايز اكتب مقدمه طويله بس حسيتنى هبوخ ... فننجز بقى
زميله " سها " الشهيره ب ( ريفندل ) شاكرين مهللين يا فندم عالتاج ... ملوش لزوم والله التعب ده ....يعنى 2 كيلو برتقان كانو هيفوا بالغرض
المفروض ان التاج ده ردوده تكون كونسايز و على قد السؤال .... بس بما انى لكاك .... فمظنش انى هقدر
نبدأ العك و اللك .... استحملونى

“?What Famous Leader Are You"

What Famous Leader Are You?

personality tests by similarminds.com

......

section 1

last beverage?
شاى ... الاختراع ده قريب هيكتشفوا انه من مذهبات العقل ... ملوش اى نوع من انواع الافاقه لمراكز الإدراك ... على العكس تماما دمرهالى تماما ... بس ادماااااااااااااااااااااانِ

last phone call ?
امممممممم .... روحى وحبيب قلبى احمد فتحى ( المشهور بمليجى )0

A friendlast instant message ?
من روحى وحبيب قلبى برضه احمد فتحى ... كان بيهزأنى فيها عشان كان النت مهيس و مش مظبوط و انا مكنش بيوصلنى حاجه ... فقوم تانى مره دخلت لقيت عريظة تهزئ

last cd played ?
تامر حسنى الجديد
last time u cried ?
أى ... سؤال يضايق ... انا العياط و السح بالنسبه لى متصل بالفترات اللى الواحد فيها بيكون قريب من ربنا .... بالفترات اللى الواحد فيها بيرجع لنفسه .... بعدها بحس ان فى هم انزاح من على كتفى .... المشكله ان بقالى فتره بعيد .... لأ بجد ضايقنى السؤال ده
last text message ?
مفيش
......

......

Section 2

Have You Evers:

1. dated someone twice?
نياهاهاهاهاهاها
هاهاهاهاهاها هوهوهوهوهوهو
هى هى هى هى هى
سؤال زباله بأمانه .... يعنى هو بمفهوم الديت الغربى .... أكيد لأ طبعا ..... بس بمفهومه الشرقى ... نياهاهاهاهاهاها ....... لأ وحاجه كمان .... نياهاهاهاهاها .... ده انا كنت مصيبه
فلنغض البصر عن الماضى الهباب بقى
2 been cheated on ?
لأ
3. kissed someone & regretted it?
ريجريت إت ..... حرام عليكو يا جدعان .... أنا عازب برضه و عندى احساس و مشاعير .... للأسف ... للأسف لأ
و مش عايز نوعية الأسئله دى تانى
4. lost some one special?
حتى الآن لأ .... وربنا ميجبش حاجه وحشه

5. been depressd ?
سؤال ساذج أوى .... الإكتئاب ده بقى من بديهيات الحياه بالنسبه لى .... يعنى آخر كل اسبوع لو كنت مكتئبتش ... بقعد أحاسب نفسى و اكتئب عشان التقصير ده .... بقيت شخصيه كومبلكس

6. been drunk and threw up?
عيب ... واحنا وش ذلك
حشيش اه
مورفين شغال
انما خمره ...... أبدا

......

Section 3

List 3 Favorite Colors
الازرق و الاحمر والابيض
......

.......

Section 4

This month have you:

1.Made a new friend?
لأ ..بقالى فتره متقوقع على نفسى مكتفى باصحابى
2. Fallen out of love?
اوت ... والله ولا إن ولا أى حاجه خالص .... ده أنا شويه وهمشى ادلل على نفسى ... هحط ورقه على صدرى مكتوب عليها (بحب على روحى)0

3. Laughed until you cried?
اه .... فى عيد ميلاد روحى وحبيب قلبى برضه فتحى .... كانت لمه حلوه أوى ... ربنا يجمعنا تانى على خير
4. Met someone who changed your life?
توء توء

5. Found out who your true friends were?
كل يوم رأيى بيثبت أكتر فى اصحابى اللى حواليا ... ربنا يخلليهم ليا
6. Is there something you want to tell someone?
العبد لله كتاب مفتوح و مفضوح و اللى فى قلبه على لسانه ... مظنش فى حد ممكن اقول له حاجه ومقلتهاش ... حلوه أو وحشه

7. Would you kiss anyone on your top friends?
أبوس رجاله .... لأ معلش أنا بضرس ... وهم نفسهم بتغم عليهم الحمد لله .... بس يعنى ممكن تكون حصلت ....عارفين المشكله ان ساعات تبقى مش طايق نفسك و مش طايق حد يقربلك و إذ فجأة من الفراغ يطلعلك شخص لزج مش بتطيقه وفى المود الطبيعى بتاعك بتتجنبه وإذا بيه المحبه بتشر منه و مادد بوزه و عايز يبوس .... ببقى خلاص هجيب اللى فى بطنى ... بس ياللا أهو كله بثوابه
8. How many people on your top friends do you know in real life?
كتييييييييير و الحمد لله

9. How many kids do you want to have?
اربعه أو خمسه ... مش أكتر ولا أقل ...و بعدين أنا هتنك على ايه بس هيه تيجى و الصحه تكون موجوده وساعتها نبقى نتكلم

10. Do you have any pets?
لأ .... مش متقبلين فى البيت فكرة قطه خالص -مع انى بموت فى القطط - بيقولو كفايه الفيران ... هق هق هق فكاهه سمجه انا عارف
11. Do you wanna change your name?
لا ياعم عاجبنى
12. What did you do for your last birthday?
قعدت فى البيت مع اصحابى .... كانو عايزين يفاجئونى بعيد ميلاد .... بس أنا كنت خنيق فحت يومها ... كنت قاعدلهم زى قرد قطع .... و حرقت المفاجأه بكل غتاته ... ياللا المهم
13. What time did you wake up today?
الساعه 9 عشان كان عندى امتحان

14.What were you doing at midnight last night?
كنت بذاكر مع روحى وحبيب قلبى أحمد فتحى برضه و شفيع .... كنا بنسمع الراديو ... جبنا إذاعه غريبه كده فيها مسلسل من نوعية ( قتلتها يا مجرم .... اذا فلتهلك .... وأن أن آآآآآآآآآآآآن ... تيش)0

و الظابط يوقلله انت أخدت المصاغ ( بفتح الصاد والغين) و هو يقولله ( راكابت معاها العربيه ) كنت شويه وهيجيلى شلل رعاش
15. Name something you CANNOT wait for?
To love & be loved
أنا عارف انه شئ دنيوى شويه بس بجد انا خلاص على آخرى ... الدنيا بقت صعبه أوى و محتاج حد اتسند عليه و يتسند عليه .... ألحق حبة المشاعر اللى فاضله و جوايا
و من ناحية تانيه .... نفسى اعمل حاجه أحس انى ممكن اقابل بيها ربى يوم القيامه وهو راضى عنى ... أقابل بيها حبيبى مُحَمَّد و يبتسملى ويضمنى لحضنه .... اه والله .... ادعولى بكده واهو تككسبو فيه ثواب
:D
16. Last time you saw your father?
من 3 دقايق .... و دلوقتى .... وكمان 3 دقايق .... بيموت فيه مبيقدرش يستنى دقيقتين من غير ما يشقر عليا ..... لأ و ثقه ايه بقى ... محكيلكمش يعنى
17. What is one thing you wish you could change about your life?
ثقتى بنفسى
18. What are you listening to right now?
مولاى انى ببابك ( النقشبندى ) .... جازيكى خير يا سها ياختى
19. Have you ever talked to Tom?
يوووووووووووه .... يا راجل و ده سؤال ... طب تصدق بإيه لسه قافل معايا دلوقتى .... هو فيه زى توم ..... ياااااه فين أيامه .... الله يرحمه بقى .... كان راجل طيب ..... توم مين؟؟؟؟؟!!!!!!!!0
يارب الصبررررررررررررررر
لا ياسيدى محصلناش الشرف انى اتكلم مع البيه لسه

20. Have you ever talked about someone behind their back?
أى ..... تانى أى .... للأسف حصل
21. What’s the last piece of clothing you borrowed from anyone?
كان من زماااااااااااااااااااااااااااااان .... من قد 5- 6 سنين كده ..... مش عايز تريقه ... كنت سافرت مصر ومكنتش واخد معايا هدوم ابات بيها فاستلفت هدوم من ابن خالتى .... المشكله انى قعدت هناك حوالى 5 ايام .... لغاية لما تطرق الموضوع لل .. يعنييييي ... احم ... انتو فاهمين بقى ... عااااااا ... كان منظرى وحييييييييييييييييييييش .... احد الأيام اللى بحاول تناسيها
مش عارف .. هو انا اللى مفضوح واللا اسئلة التاجات هى اللى بتنبش فى الماضى الأغبر بتاعى
22. Who’s getting on your nerves right now?
اوائل دفعة 85 كلية طب جامعة الزقازيق ..... نااااااافرررررر نااااااااافررررر

واللى كاتمين على انفاس البلد و حارقين دم أهاليها و حارقين أهاليها شخصيا
23. Most visited webpage?
المدونات على العموم

24. Coke or Pepsi?
Pepsi طبعا

25. Mac or PC?
عه ... مووووش فااااهااام

ازحلق التاج ده لكل مكاظيى البلوج و بالذات

....

نياهاهاهاها ..أنا شرير
و لمحمد عبد الغفار باشا
ولكل الناس اللى بييجوا يمسوا علينا فى البلوج
وانا وانت
ورقصنى يا جدع

وحدوووه

2007-04-19T02:12:00.000+02:00

وحدووووووووووووووووووووووووه

music & lyrics

2007-04-02T20:18:00.000+02:00

music and lyrics

فيلم دخلته الجمعه اللي فاتت
لذيذ مش جبار قوي بس النوعية اللي تعجبني
بس الاحلي فيه الاغنية اللي فيه واللي القصة معظمها بتدرو عليها
بيغنيها
drew barrymore & hugh grant
drew
Ive been living with a shadow over head
Ive been sleepin with a cloud above my bed
Ive been lonely for so long
Trapped in the past,
I just cant seem to move on

hugh

I've been hiding all my hopes and dreams away
Just incase I ever need them again someday
Ive been setting aside time
,to clear a little space in the cornners of my mind
both

All I want to do is find a way back into love
I cant make it through without a way back into love
ohh

drew
I've been watching but the stars refuse to shine
Ive been searching but I just dont see the signs
I know that its out there
Theres got to be something for my soul somewhere
hugh
I've been looking for someone to shed some light
Not just somebody to get me through the night
I could use some direction,
and I'm open to your suggestions
both
All I want to do is find a way back into love
I cant make it through without a way back into love
and If I open my heart again
I guess Im hopin you'll be there for me in the end
drew
There are moments when I dont know if its real
or if anybody feels the way I feel
I need inspiration,
not just another negotiation

http://www.esnips.com/doc/a0f8927d-5088-4012-a1b6-2b09740ac0e1/Hugh-Grant--Drew-Barrymore,-Way-Back-Into-Love

click to hear the song.....

فقر فقر فقر ... لأ و حاجه كمان فقررررررررررررر

2007-03-28T13:44:00.000+02:00

أكاد أقسم انه احداها ..... لا يخبرك احد ... فقط نفسك تحدثك ان كذلك.....0

أصحو من نومى على صوت منبه الموبايل ... احاول ان اخرسه بوضعه تحت المخده ...... و لكن يمنعنى الشئ الحقير المسمى بالفيبريشين ... انظر بعين نصف مغمضه الى الساعه ... انها الثامنه و النصف صباحا ..... حسنا درس الاطفال ام النوم ... ليس هناك مجال للمنافسه ... اغلق الموبايل ... اندس فى السرير باستمتاع اغمض عينى و... يرن مره اخرى ..... انظر لاجده احد اصدقائى (بيمسددلى) لكى استقيظ لنذهب للدرس معا .... جررررر ....نووووووووم ...... اغلق الجهاز اللعين تلك المره و اغط فى النوم ثانية0
لا تمضى 5 دقائق حتى تبدأ امى فى ايقاظى .... اخبرها انى لن اذهب و انى فى كامل قوايا العقليه و ان الشئ الشرير المدعو بالنوم و الراحه غير مسيطرين علي على الاطلاق وان عدم ذهابى هو ثقه منى فى قدراتى و اننى احد عباقرة زمانى و لكنى لم ابدأ بعد و ان كل ما أحتاجه هو بعض الراحه لكى اشحذ عبقريتى وافجر قدراتى .... تنظر لى فى ريبه .... ولكنها ما تلبث ان تبتسم عن ثقة و تتركنى فى سلام .... اغلق الباب وراءها ... انظر للسرير كالمحروم ... اتحسس البطانيه .... اضعها علي فى عنايه .... اغمض عينى فى هدوء ... و....0

دب دب دب دب ... طاخ .... بوم .... تش
لا ادرى هل بدأت فى الحلم بهذه السرعه ام ان شخص ما بدأ فى هدم المنزل على من فيه
تتعالى الاصوات ( دب دب دب ... زىىىىىىء ..... طراخ) يفتح باب اوضتى على مصراعيه بطريقه توحى بأن رياح الخماسين قد بدأت مشوارها من داخل منزلنا........ اهب مفزوعا لأجد والدى يقف عند باب الغرفه بوجه خالى من التعبيرات ... يذكرنى بكلينت ايستوود فى احد مشاهد الغرب الامريكيه تلك التى يقتل الجميع فيها بعضهم فى محاوله لمعرفة من الأسرع ..... يلقى علي كلمات اسبارتاكوس الاخيره ( 9 ... الدرس ... دقنك ) ثم تركنى جالسا على السرير وقد الجمتنى الصدمه و ذهب ليكمل نومه

أأخذ نفس عميق ..... لا مجال للراحه اليوم اذن .... اقوم و اغسل وجهى و اهم ان اذهب لارتدى ملابسى ... و لكن تستوقفنى ذقنى ... انظر الى نفسى جيدا فى المرآه ..... دعنى اصف لك المنظر ... اعلى رأسى يقاوم بصعوبه احداث التصحر ... يبدأ الشعر فى الظهور بالتدريج على جانبى رأسى ..... ثم غابات السافانا تنتشر على ماتبقى من وجهى .. كنت اشبه باحد صور فلاش ... تلك التى حين تقلبها يظهر لك اما رجل آخر تماما او شمبانزى فى بعض الاحيان .... اذكر محاضرة ابى البارحه حول ان تلك الذقن شوف توقعنى فى مشكلتين ... اولهما اننى سأكون ماده غنيه لامن الدوله حين يبحثون عن مجنون ما ليلفقون له قضية توربينى أخرى و هو فى هذه الحاله لا يمانع .... أما الأخرى انه ان لم احلق تلك الذقن اليوم فلابحث عن ممول آخر يستثمر امواله فى معتوه مثلى ..... بمعنى آخر ( ابقى اشوفلى حته تانيه ابات فيها)0

أخذ المكنه .... أخرج موس جديد .... آخذ نفس عميق و ... شششش ... تن ... أى ... عاااا ... تراك .... الهث بعد ان قضيت على اول موس وقد تمكنت من حلاقة نصف ذقنى فقط .... انظر الى المرآه ... افكر ان اترك وجهى على حالته و لتكن موضه جديده .....و لكن بعد اعادة تفكير فى موضوع امن الدوله اقرر ان اكمل ..... يامسهل ..... موس آخر جديد ... نفس آخر أعمق .... فووووكششششش ... آتن آتن .... أااااااااه ....... حراااااااام ..... و أخيرا انتهى
اغسل وجهى بالماء لأنظر الى تحفتى الفنيه ....0
؟؟!
؟؟؟!؟!؟؟؟؟؟!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!
أنظر فى ذهول الى تلك العلامات فى وجهى والتى ان تدل على شئ فهى تدل على انى قد خرجت حالا من خناقه و ان شخص ما (علَم عليه) .... أنظر الى رقبتى لأجد علامات يجزم - ان رأوها – أطباء الطب الشرعى انها محاولات فاشله للإنتحار... أضع الكولونيا ... أستعد ... أنزل لمواجهة مصيرى المحتوم0
********************************
لا أحد يخبرك ايها يكون ... فقط بعض غممان النفس ... شعور عارم بأن وغد ما يقف فوق راسك ينتظر فقط اللحظه المناسبه لكى يسكب عليك مياه الغسيل ... ثم تفطن الى الواقع .... دعونا لا نستعجل الاحداث

يبدأ الدكتور فى الشرح لل 15 طالب بمن فيهم انا و صديقى اللذيذ الذى انعم على ب(مسده) هذا الصباح ... نجلس فى غرفه فى الدور الاول لعماره تبلغ حوالى اربع ادوار و الغرفه فى داخل ذلك السنتر ... لها شباكين يطلان على (منوري)العماره .. أحدهما مغلق و الاخر ليس له سياج ... تسألنى لم أصف المكان ... صدقنى عزيزى له اهميه كبيره .... فبينما اجلس احاول قدر المستطاع ان اعى كلمه مما يقال حول ( النفرونات ) و ما يسمى بال(ميزانجيال سيلز) ...0
طك -
صوصو صو صو -
ده ايه اللى دخله هنا ده ... افتحله يابنى الباب شكله مش عارف يطلع من الشباك ..... اقفل بقى وراه0 -
اعتقد ان الموقف لا يحتاج الى توضيح اللهم الا إذا تلك ال( طك ) فى البدايه .... عزيزى انها فضلات ذلك الطائر....0
فى كتابى .....0
نعم لقد فعلها الوغد و القى بمياه الغسيل فوق راسى .... انها فقط البدايه0
*********************************
تربطها احيانا بأيام معينه فى الاسبوع او فى الشهر او فى السنه .... لا فرق ... فهى حين تأتى . . . تأتى!0

مضى باقى اليوم فى الكليه كالمعتاد .... لاجديد ينبأ بما كنت متخيله .... إذن فهذا كل شئ .... اتنفس الصعداء فى نهاية يومى فى الكليه ... افك قليلا ... اضحك تخرج منى تعليقات ظريفه .... اتخيل - كالأبله - لوهله ان الدنيا قد ابتسمت لى... وكم كنت ابله0
ونحن فى طريقنا للعوده نصادف سيده عجوز فى ملابس رثه بعض الشئ يبدو من ملامحها تعب الحياه الشديد ... تنظر الى ... ثم تشير لى بأن اقترب ... اقترب و على وجهى ابتسامه عريضه فى محاوله بلهاء لكسر حاجز الاحراج داخلها .... أهم ان اسألها ماذا تريد ... و
طاخ ... تضربنى على كتفى اليمين و... ( وقفلى تاكسى )؟؟!!0
افغر فاهى فى ذهول وانا ممسك بكتفى المضروب و لكنها لم تمنحنى فرصة التفكير تضربنى فى كتفى الآخر ثم تمسك به ... يبدو اننى لست اول ضحيه فقد كان هناك بشر يقفون يتفرجون و على وجههم تلك النظره التى تسبق الانفجار و الاستلقاء على ظهرهم من كثرة الضحك .... تشير الى تاكسى و هى تضغط على ذراعى ( الحق شاورله قبل ما يمشى ... طب بلاش ده) ثم تبدا بدفعى بعرض الشارع لكى توقف تاكسى آخر فاضى ... أشير له انا هذه المره .... ليست هذه هى الميته التى اتمناها على الاطلاق .... يقف التاكسى و يسألنى و هو يتفحص السيده ( على فين يا باشا؟ ) .. لا أجيب فأنا لا اعلم ... تزيحنى السيده و تترك كتفى لتفتح الباب و هى تقول له مكان غريب من نوعية ( مصبغة عبده السمكرى ) او شئ من هذا القبيل ... يسحب السائق الباب ناحيته ليغلقه و يقول لا مش رايح هناك ثم يذهب فى سرعه ... تخطو وراءه فى سرعه بضع خطوات وهى تسب و تلعن .... ثم تكتشف انها قد تركت الفريسه تلتفت الى مره أخرى لا أعلم ربما لكى تضعنى (مطب) فى عرض الشارع هذه المره لكى توقف السيارات و لكن هيهات ..... اطلقت ساقى للريح و سبقت الأندال اصدقائى و الذين عطلهم كثرة الضحك عن اللحاق بى0
*********************************
وهكذا انتهى اليوم .... خيبت املك ... أعرف ذلك فأنا أيضا كنت انتظر ان تهبط على سفينة فضاء او ان يفتح مثلث برموده تحت قدمى او ان يغتالنى قناص ما فى اعز ما أملك .... و لكن ربما فى يوم آخر
و حتى هذا اليوم .... سأعيش فى سعاده تامه..... أعتقد؟؟!!0

أصحو من نومى على صوت منبه الموبايل ... احاول ان اخرسه بوضعه تحت المخده ...... و لكن يمنعنى الشئ الحقير المسمى بالفيبريشين ... أنظر إلى الساعه انها الثامنه و النصف .... لا أعرف لم تذكرنى تلك البدايه بشئ .... ثم إن اليوم ليس فيه درس أطفال ... يتهادى الى مسامعى أصوات ....
دب دب دب دب .... بوم ...طراخ.... تيش..
أهب من السرير مفزوعا لأنظر الى الباب ..... تتعالى الاصوات
دب دب دب .... بوم بوم بوم ....
"لآآآآآآآآآآآآآآآآآآآآآ ..... حرام مهو مش معقول يعنى .... ورحمة أمى اللى هيقرب من باب أوضتى انا هطخ نفسى بالطبنجه الميرى" ..... ينفتح الباب فى هدوء ... لأرى والدى ووالدتى مفزوعين و ينظرون الى فى استغراب
"لأ مهو انا مكلش من الكلام ده ...... مهو هنام هنام ..... و ده آخر قرار... واضح"
************************************
أنام كالملائكه على السرير الابيض .... يتهادى الى مسامعى حوار دائر فى الخارج
و الله يا دكتور ما حد كلمه ... انا وباباه كنا قاعدين بره و انا كنت مشغله الخلاط .... ومره واحده حصل اللى حصل*
هى صدمه عصبيه حاده نتيجة فقدان الامل فى راحه مضت بعد دخوله الكليه*
حاله بتتكرر كتير .... متقلقيش حالته هتستقر قريب
فليقولو ما يريدون ..... المهم ان انام ........ كنت معكم من داخل عنبر الخطرين فى قسم الامراض العصبيه و النفسيه ...
0(... و النبى يا أخ ممعاكش ولاعه اولع بيها الصاروخ بتاعى عشان عندى معاد مهم مع عمى فى المريخ )
تريك تراك ..... طاخ ..... أعيد صمام الامان .... اضع المسدس بجوارى وانااااااااااااااااااام
تمت

ملحوظه:0

كل احداث ذلك اليوم حقيقيه .... بس خلاص ... امشو من هنا بقى عايز انام

قل أدبك

2007-03-20T17:18:00.000+02:00

كأنك تشاهد فيلم فتفغر فاهك لفتره طويله متعجبا من قدرة مخرجه على وضع هذا الكم من القرف ومشاهد الغثيان ثم

تجىء تلك اللحظه التى تفوق من حالة العجب عندما تعلم ان كل ذلك حقيقى وان موعد النهايه سيكون يوم الاثنين القادم 26 مارس 2007

صوت

يجب أن تصوت

منظمة العفو"التعديلات الدستوريه أخطر مساس بحقوق الانسان منذ إعلان الطوارىء في مصر قبل 26 عاما"0

صوت

تنص التعديلات على منع اى احزاب على أساس دينى والهدف من ذلك تحجيم نشاط الاخوان المسلمين0

صوت

وتتيح المادة 179 اعتقال المشتبه فيهم وتفتيش منازلهم ومراقبة مراسلاتهم والتنصت على اتصالاتهم الهاتفية من دون الحصول على اذن قضائي.0

صوت

وتتيح المادة 179 لرئيس الجمهورية احالة قضايا الارهاب الى "اي هيئة قضائية مشكلة طبقا للقانون والدستور". ويستطيع بذلك رئيس الجمهورية ان يحيل المتهمين في قضايا الارهاب الى محاكم عسكرية او استثنائية.0

صوت

ويلغي تعديل المادة 88 اشراف القضاة على صناديق الاقتراع وفقا لقاعدة قاض لكل صندوق وينص على تشكيل "لجنة عليا مستقلة" لتنظيم العملية الانتخابية.0

صوت

فتحى سرور

"من الضروري احيانا وفي حدود معينة التضحية ببعض الحريات لحماية الامن العام"

صوت

آمال عثمان تعترض وتغير فاصلة الرئيس إلى نقطه قمة الديموقراطية0

صوت

نواب الوطنى يوافقون فى غفله على تعديل الماده ال76 فى الدستور و فتحى موافقات الشهير بفتحى سرور يقولهم صحصحوا معانا ويعيد التصويت0

إذا لم تذهب يوم الإثنين لتصوت وتلبى نداء الفرعون

صوت

صوت بصوت عالى

فإن لم تستطع فيجب أن تقل ادبك

يا مساء الفل

2007-03-19T01:51:00.000+02:00

يا مساء الفل

يعني هو انا ماليش في الكلام
بس امبارح اللي فات من بتاع ساعتين ده
كان تاريخ ميلاد أحد اعضاء البلوج
وقد شرفني عمنا المكاظي الكبير بتسجيل هذا اليوم

وبنقول كلنا لــــ
سبور فورمينج هيومن

والملقبة بـ
الاء

عيد ميلاد سعيد

ويارب على طول في تقدم ونجاح

انا بس بسلم

2007-03-18T02:00:00.000+02:00

انا بس بسلم

بقالي كتييير مبكتبتش

ومبرووووووووووووووووووووووووك عالسنة الجديدة

ويدوم عليكم امتكااظ دائم ان شاء الله

حكايتى

2007-03-17T22:30:00.000+02:00

حكايتى

استيقظت متاخرا على ذكريات طفولتى
وها انا ذا اروى حكايتى
كانت طفولتى اسعد ايام حياتى
فقد كنت الهو بدون حساب لخطواتى
كنت احلم واقفز وتملأ الدنيا ضحكاتى
لا شىء يخيفنى و لا يفسد على لحظاتى
لقد كنت طفلة تأثر العالم بابتسامتها
ولا يرى احدا ابدا دمعتها
وبعدها تشاء الاقدار قتل فرحتها
فتذيقها الحياة كؤوسا من مرارتها
وبكل قوة وبلا رحمة ضربتها
ولكنها صمدت لتواجه صدمتها
وقفت ثابتة امام الدنيا التى آلمتها
وهاهى تحلق ثانية فى السماء باجنحتها
لتعلن ان الدنيا ابدا لن تنتصر بقسوتها
وانها ستنشر من جديد فى الهواء ضحكاتها
وما لبثت ان وقفت ثانية على قدمى
لأرى الظلام يغطى كل ما حولى
يملأ الحب و الامل قلبى
واريد اسعاد كل من تراه عينى
ولكن للاسف تائهة وسط عالمى
لا اعلم متى واين سيكون منزلى
آمل ان اصل يوما الى حلمى
ان ارسم بسمة للعالم بيدى
ان اداوى جرح كل احبتى
وان امسح دموع كل امتى
يا رب الهمنى صبرى وحيلتى
وابصرنى اللهم بوجهتى
ادعوك ربى ان تؤخر موتى
حتى احقق للعالم كل السعادة
وبعدها سألقى بكل الرضا آخرتى

عشان اللخبطة - مين

2007-03-16T22:58:00.000+02:00

عشان اللخبطة وعشان كل واحد يتم التعامل معاه بالضمير المناسب ليه فما يبقاش هو جين وهي متكاظي

احـنا مـيـن

متكاظي أحمد عبد الشفيع

زوردياك أحمد فؤاد

ميليجي أحمد فتحي

سول أسامة

جين جهاد

كارمن مروة

ميشو شيماء

سبور فورمين هيومان آلاء

لولو ليلى

واخيرا أنا ريفندل سها

كنت عايزة اتكلم واقول احنا مين , احساسي ايه بكل واحد فيكم بس اتراجعت , الكلام هرب مني , صعب تتكلم عن حد قريب كدا , الاقتراب العجيب في نفس المأساة بيحولك من الآخر الى الأنا

يبقى اعزائي , وجودكم عوض حاجات كانت ناقصة كتير

الله اعلم بكرة فيه ايه

لكن صدقوني هفتكركم دايما

وهفكر فيكم دايما

.....

المدون كويلهو

2007-03-12T17:10:00.000+02:00

أمبارح مرت سنة على بداية البلوج0

كنا محضرين بوست نتكلم فيه عن المناسبه دى0

بس كالعاده جت ظروف منعت الموضوع ده0

التدوين بيزيد يوم عن يوم

وكل فتره نتفاجىء بوجود مدونه تدخل فى نطاق المفاجآت من مدونة الرئيس الايرانى احمدى نجاد والفنان خالد الصاوى والكاتب علاء الاسواني (سبت الكسل وجبت اللينكات بتاعتهم)0

لكن ان المدونه تكون لباولو كويلهو فده موضوع مختلف مع احترامى وتقديرى للسابق ذكرهم لانى اعتقد ان حركة التدوين اكتسبت شهره فى مصر بما اخذته على عاتقها من مواجهه للأستبداد السياسي للمخلده تعديلاته والباقيه سيئاته وابتساماته مع اصدقائنا الاسرائيليين كما يحب ان يطلق عليهم المستبد مبارك الاول و المستهبل جمال الثانى لكن من الواضح ان تقديراتنا اصابها الخطأ ووجدنا مدونته التى اطلق عليها محارب النور وقام بعض من معجبينه بترجمتها للعربيه فى هذا الرابط0

وإمعانا فى المفاجأه يوجد هنا آخر رواياته ساحرة بورتوبيللو وممكن تعلق عليها ودار النشر هتترجم تعليقك ليه بناءا على طلبه0

اللى فهمته انه اكتشف تسريب الروايه على النت فسلم أمره لله ودخل فى العالم ده وعجبته فكرة أن الناس تنقل لبعض كل اللى بيحبوه من روايات وافلام وموسيقى0

باولو كويلهو ساحر الصحراء ومحارب النور إسمحلى أقولك انك بنى آدم رايق0

الواقع

2007-03-09T20:26:00.000+02:00

الحب فى قلوب العباد

هو فى المستقبل العماد

و فى مجتمعنا ده اكبر جهاد
فى زمن بقت المشاعر فى المزاد
اسمعوا منى يا اولاد
احنا فى زمن العناد
اللى الملك فيه هو الجلاد
و البشر بقى زى الجراد

بوابة ضوء القمر

2007-03-05T21:52:00.000+02:00

فلتأخذنى اليك بلا اشتراطات ولا مزاعم ولا أوهام

فلتأخذنى اليك حبيبى .. فبأيامى وأيامك طعم الحرمان

قد كنا وكانت قصتنا .. راحت .. وتداعى غيم الأحزان

العمر بحنين الروح يمر .. والشوق حبيس الجدران

فلتأخذنى فإنى اليك بعمرى .. وإن طال أنين الهجران

وإن ضلت سبل الصبر، وغابت بزوايا النسيان

عندما أتانى صوته .. لم أ كن أتخيل أن يقع من أذنى هذا الموقع .. كنت أتلمس الأحرف فى كلماته بكل نبض فى لأشعر أننى لازلت حية .. لأتأكد أنه هو الذى يتكلم .. وليس حلما أو طيفا هائما فى فراغ أفكارى .. آه .. ياللهدوء .. ياللأمل .. وكأن الدنيا قد تجردت من شتاءها وارتدت لدقائق ثوبا صيفيا .. تزهو شمسه، وتمرح أطياره، وتتناقل أنسامه أسرار الإبتسامات .. أسرار القلوب الحية، ورحيق الضحكات .. لو أعود لتلك اللحظة بالذات .. لصليت ضارعة أن يتوقف من أجلى الزمان ليمهلنى تلك اللحظة المفرحة .. فأقبل بضحكتى لحظات العناء فى قلبى فتشفى آلامه .. ألهذا دوما أتذكره .. ألأنه الحلم الوردى الذى كان .. ألأنه القطار المنتظر الذى ستحملنى عجلاته على شعاع فضى الى بوابة قصر القمر .. فتمحى الهموم .. وتزول الخطايا .. وتلمس الروح حدود الأمان .. أأذكره رغم كل هذا العمر لأنه يوما قد حمل كل آمال الخلود فى احساسه وإحساسى .. لأنه حمل بروحة معنى الأبدية

آه .. كم هو متعب هذا الفراش الذى أرقد عليه منذ شهور .. قد ملنى كما مللته .. كم كنت منذ زمن بعيد أشتاق لدفئه بعد يوم شاق من العمل والحركة والجهد .. صرت اليوم وشيخوختى وشعراتى البيض، ومعالم غرفتى أعز الأصحاب .. بعد الضجيج، وبعد الصخب .. بعد الإزدحام بالأعمال والبشر .. بعد الملل من التعب .. أصبح الملل من الوجع .. أصبح الملل من المرض، وأصبح الملل من الوحدة .. اللهم إلا عصفورين تحت سور شرفتى أئتنس بهما ، وأزهار فى حوض نافذتى تتفتح فى الصيف ، وتذبل فى الشتاء .. وكاسيت قديم، والى جواره أشرطة عديدة احبها .. وأكثر ما أحب أن تأخذنى الألحان .. وتحملنى الى تلك الليالى الصبية .. حيث كنت أقبع فى شرفتى أفكر فيه .. وأنظر للسماء المضيئة ..فيحملنى القطار الفضى لضوء القمر .. وتفتح بوابة القصر على مصراعيها .. ويكون موعدى الليلى

أجتهد لأذكر ماهية الأشياء التى كنت أعرفها من قبل .. صرت أنسى كثيرا .. لكن داء النسيان لم يقدر على فك شفرات تلك الصور ..نسيت الأمس .. ونسيت الأماكن والسماء وكل ما يمكن أن يكون من الذكريات ..قد صرت عجوزا حمقاء .. نسيت أين كنت وأين كان .. لكننى ما نسيت ذلك الزمان البعيد قط .. هذا الوجه .. وتلك النبرات .. وذلك الحنين .. حقا إنه حنين لأشياء لم أعد أذكرها .. لكن هذا الحنين وحده كفيل كى أتيقن أنها كانت أشياء غير كل الأشياء

أجتهد لأنهض من ذلك الفراش المؤلم .. ربما الليلة باردة قليلا .. لم يعد ذلك العظم تحت جلدى يتحمل تقلب المزاج الهوائى .. ترى أين عصاتى .. ها هى .. رغم أن بين فراشى والشرفة متر واحد .. الا أننى صرت أشعر أنى أسير لكيلومترات .. ها هى الشرفة .. أخيرا وصلت .. يا الله .. لم أر مثل هذه النجمات من قبل .. كثيرة وواضحة ومضيئة .. مشرقة كعينى عندما كنت أتطلع كل ليلة فى إنتظار موعد الرحيل مع الخيوط الفضية .. عندما كنت أستعيد كلماته التى لا أذكرها الآن .. قد مر وقت طويل .. إنتظرت وإنتظرت حتى ضاع منى الوقت، وإنتهت السنين .. وحرمت حتى الذكرى .. ولكن مازال القمر .. ها أنا أسمع صوت القطار .. إقترب الرحيل .. لم أعد أحتاج للعصا .. ولا لتلك النظارة الطبية الكئيبة .. أشعر أننى أحسن حالا الان .. بل وكأننى عدت صبية .. بشرتى صارت أنعم .. وتألق بعينى نفس البريق .. وصارت النسمات تعبث بخصلاتى فتطير إحداها هنا وإحداها هناك .. قد جاء القطار .. وإمتد الضوء .. وإبتسم القمر .. وصرت أسمع الكون يهمس فى مناجاة .. وإنفرجت شفتى عن إبتسامة اللقاء .. وصعدت .. فتحت بوابة القصر .. فنظرت خلفى من عل الى ذلك البيت المظلم .. الى تلك الشرفة .. الى وأنا عجوز بنظارتى السميكة أستند الى العصا .. لوحت .. نظرت ضاحكة الى .. وداعا

ساند الأقصى

2007-03-03T16:17:00.000+02:00

:صاحب الحملة قاسم أفندى بيقول
.
.
بأقترح نبعث في اليوم ده (3 مارس) رسالة إلي اليونسكو لتخصيص لجنة دائمة لمراقبة والحفاظ علي المسجد الأقصى (كأثر تاريخي)وفقا لاتفاقية حماية التراث الثقافي والطبيعي أسوة بحملتهم للحفاظ علي أصنام أفغانستان وننشر نسخة من الرسالة دي علي كافة مدوناتنا ومنتدياتنا ومجموعاتنا البريدية
مع العلم أنهم بالفعل قرروا إرسال بعثة تقصي للحقائق يوم 23 فبراير
.

مكتب اليونسكو برام الله
h.tannous@unesco.org
Ms Hala Tannous بإسم .
.
مكتب اليونسكو بجنيف
geneva@unesco.org
.
Mr. Koïchiro Matsuura بإسم
.
ولو نجحنا وقدرنا نحرك الجبال بصوتنا نعمل يوم تاني للتضامن مع حقن دماء العراق فدم الانسان أعظم حرمة.ممكن أعرف رأيكم وهل دي أولوياتكم زي ما هي أولوياتي ولا أنا غلطان والأولي أشغل بالي بكريم وهالة وهند وتامر؟
أفيدوني أفادكم الله
.
.
.
سبب اختيار هذا اليوم
.
.
.
يوافق ذكري الأحداث التالية: 1949 - اعتراف الأمم المتحدة بدولة إسرائيل ، 1982 - أقدمت مجموعة من الشباب اليهودي المتدين على اقتحام المسجد الأقصى عبر باب الغوانمة, فتصدى لهم الحراس المسلمون وأصيب أحدهم, ولما حضرت الشرطة الإسرائيلية اعتقلت الحارس المصاب واستجوبت الحراس الآخرين ،. 2005 - افتتاح مصلى يهودي جديد جنوبي حائط البراق لليهود المحافظين يكرس السيطرة على المسجد الأقصى
________

نص الرسالة المقترحة

Mr. Koïchiro Matsuura
Unesco GM
Dear Sir,
We acknowledge and appreciate your great efforts to protect and save the priceless human heritage all over the world. Recently, we read that a group of professional investigators has been sent by the Unesco to Jerusalem to investigate the situation of Israeli excavations at the area of Al Masjed Al Aqsa, which we have a big concern that this may affect the foundations and lead to buildings collapse for one of the most important historical elements of this area and allover the world.We do support your efforts and your investigation group and looking for assigning a permanent chamber near this area to monitor, announce and stop any trial to destroy our heritage either for political or religion reasons.
Thank you and best regards,
Sincerely,
-----

مـعـلهـش ...آخـر مـرة هـاكـتــب هـنـا

2007-03-03T13:10:00.000+02:00

ربِّ .. عبدك قد ضاقت به الأسباب
وأُغلقت دونه الأبواب
وبَـعُـدَ عن جادة الصواب
وزاد به الهم والغم والإكتئاب
وانقضى عمره ولم يُفتح له إلى فسيح مناهل الصفو والقُربات باب
وأنت المرجوّ سبحانك لكشف هذا المصاب
يا من إذا دعي أجاب
يا سريع الحساب
يا رب الأرباب
يا عظيم الجناب
يا كريم يا وهّاب
ربَّ لا تحجب دعوتي
ولا ترد مسألتي
ولا تدعني بحسرتي
ولا تكلني إلى حولي وقوّتي
وارحم عجزي
فقد ضاق صدري
وتاه فكري
وتحيّرتُ في أمري
وأنت العالم سبحانك بسري وجهري
المالك لنفعي وضري
القادر على تفريج كربي وتيسير عسري
اللهم أحْـيِـنا في الدنيا مؤمنين طائعين
وتوفنا مسلمين تائبين
اللهم ارحم تضرعنا بين يديك
وقوِّمنا إذا اعوججنا
وادعنا إذا استقمنا
وكن لنا ولا تكن علينا
اللهم نسألك يا غفور يا رحمن يا رحيم
أن تفتح لأدعيتنا أبواب الاجابة
يا من إذا سأله المضطر أجاب
يا من يقول للشيء كن فيكون
اللهم لا تردنا خائبين
وآتنا أفضل ما يؤتى عبادك الصالحين
اللهم ولا تصرفنا عن بحر جودك خاسرين
ولا ضالين ولا مضلين
واغفر لنا إلى يوم الدين
برحمتك يا أرحم الراحمين
اللهم آمين

الدعاء من ايميل وصلني

نتقابل على خير إن شاء الله

Moro

يارب

2007-03-01T03:09:00.000+02:00

يارب
شيل الغلب
من جوه البشر
ده الغلب
كسرة نفس
وقلب جواه
اتقهر
.....
قلب الغلابة الشقيانين
قلب اشتكا
من الشقا
ومر السنين
ومن الفراق بعد اللقا
...........
قلبي بكا
ع الغلابه التعبانين
ع الرصيف اللي اشتكا
حمل السنين
للعجوزه ام مشنة
وشوكة طارح فيها تين
..........
يارب
شيل الغلب
من جوه البشر
ده الغلب
كسرة نفس
وقلب جواه
اتقهر

الحب موتا

2007-02-21T19:35:00.000+02:00

من هم؟؟

ما قصتهم؟؟

لا أحد يعلم شىء غير الله

لكن يبقى شىء وحيد لايقبل الشك

أن ذلك هو الحب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تحديث

الصوره تم التقاطها بواسطة علماء حفريات بإيطاليا يعنى لا من مقبره جماعية ولا حاجه من دى............تبقى جميع الاحتمالات قائمه وكل واحد يشوفها بوجهة نظره... والله اعلم0

the evil soul of his

2007-02-19T20:59:00.000+02:00

i'm not the one that wrote this poem , it's written by one of my dearest friends who would like to be called "the last line"

- his name you won't care about at all
what i'm talking about is that evil soul
talking about the rules of his game
where people's destruction is it's name
if you don't know the rules,you have no right to play
my advice is to leave as there's no place for fools to stay
he seems sweet the first time
his words are poems with the sweetest rhymes

- by time the poison flows slowly to your heart
you think it is the end but torture is the start
his words breaking your dignity and pride
and that sarcastic look in his eyes , he can not hide

- if you are bleeding and pain is what you feel
he will try to stab you , never help ypur wound to heal
although you will shout for help and scream more and more
thinking he will have mercy on you , your screams he will ignore

- he tells , you are the sweetest friend
but take care as misery will be your end
why does he hurt me this way , yourself you ask
the answer is that destroying you is his task

- still you think this is not his realself
ypu try to get closer , but take care of yourself
as days will pass , you feel you are changed
as a beautiful picture with mud is stained

- soon you won't love anyone and yourself you'll hate
you will try to return but no escape from fate
so if i were you , i'd run far far away
forget something , he's not one ,
they are increasing everyday!!

عمرو سلامة - الاعلان

2007-02-15T23:06:00.001+02:00

فيلم المخدرات حلوة او الاعلان

للعبقري المبدع عمرو سلامة

وفييلم تاني

59m59s A.K.A. (Sa3et Zaman)

بجد ابداع السينما المستقلة من غير الغشومية اللي فيها

نقلا عن مدونة

هدوء نسبي

فلانتيني ولا تطعميني

2007-02-14T11:30:00.000+02:00

هـابـي فـالـنـتيـن ;)

:p

هههههههههههههههههههههه

تعديل : البوست دا اشتغالة محضة مني لأشقائي الأعزاء من المتكاظين

عشان انا عارفه موقفهم من موضوع الفالنتين دا وقولت امسي بس

;)

لان موقفي عامل زيهم ومعبر عنه الاخ المناضل المكافح اللمبي

ذات خريف

2007-02-14T11:16:00.000+02:00

وانتبهنا بعدما زال الرحيق .. وأفقنا ليت انا لا نفيق
يقظة طاحت بأحلام الكرى .. وتولى الليل والليل صديق

بعدما تلاقينا تساءلت .. لماذا الحب دائما يأتى كالغريب .. يحل فجأة .. ويتخذ مسكنا ظل خاليا لسنوات طوال .. ويستقبله الكل بالنخوف والإرتياب والظن ان خلفه ابغض الأسرار .. فيظل يجاهد حتى يثبت انه ابسط من شمس النهار الواضحة .. واجمل من يوم خريفى معبأ برائحة فلول الأزهار الصيفية .. غريب يشد اليه الأنظار وتظل القلوب تتفكر به علها تعرف كنهه .. ويظل الناس فى تخوفهم حتى يرحل .. وعندما يرحل .. ترتجف القلوب من جديد .. وكمن فيها ذلك الشعور بالذهول .. قد كان هنا غريب .. لم يقبل يوما ان يخدع أحدا أو يكره أحدا .. لا يعرف الأنانية .. ولا يقلب بكفيه سوى الدفء والأمان ...... والصبر

ولازلت اتساءل .. كيف انتهينا ونحن لازلنا نحب .. ولا زلت استرجع

أين منى مجلس أنت به .. فتنة تمت ثناءا وسنا
وأنا حب وقلب هائم ..وفراش حائر منك دنا

كانت الذكرى فى أكتوبر .. مرت شهور الشتاء بعدها عاصفة كئيبة يرتعد فيها الحجر من البرد وقد خلت الطرقات من اى عابر .. كان السكون المميت بعد خريف حى ملىء بالذكريات .. وقد تتساءل ماهى تلك الذكريات التى احملها .. سأخبرك ..وسأدونها بالحروف فوق الورق خوفا من أنها يوما تنسى .. فإن انت نسيت أو انا نسيت .. تظل تلك الكلمات عندما نقرأها تعيد الى قلوبنا احساسها الأول .. وتمنح نفوسنا بعضا من السكينة التى استشعرناها سويا فى وقت ما .. فى ذلك الخريف تبدل الجو المحيط بنا بعد ان تركت العنان لقلبك فأفصح عن مكنوناته .. وبدأت اشعر أن موسيقى خفية تصاحبنا اينما ذهبنا معا .. احساس بالقرب والالتصاق احسست وقتها ان قلبى سيتوقف من فرط الحيرة والسعادة او التعاسة المرتقبة الى ان افصحت عيناك .. وكانت اول نظرة عرفت فيها اننى اثيرة لديك .. وجاءت الكلمات العابرات تتهادى على اوتار صوتك .. كنت نضحك من لاشىء .. ونصمت للا شىء .. ونرحل كل الى بيته لكننا لا نفترق .. وجاءت اللحظة التى غاب عنى فيها كل شىء الاك وانت ناظر الى عينى بوضوح وتكلمت .. لم أكن اتطلع اليك .. ولكن شىء ما جعلنى اتطلع .. ورسخت ملامحك الجديدة على ناظرى فى وجدانى وكأن كل شىء فيك ينطق كونى لى .. لم اكن احتاج ان تتكلم حتى احسك .. لم اكن احتاج ان تعبر حتى افهم ما تريد .. أمان وحنان وبراءة نفس ومشاعر كانوا ذات خريف بدأت فيه حكاية .. كل الحكايات تبدأ اعجابا فحبا فغراما فتيما فعشقا فوله .. أما حكايتك فبدأت كما انتهت .. بالصمت وخلفه تلال من الأسرار المحببة .. ذلك الصمت الذى حجب مدائن التمنى

تلك هى ذكرياتى عن الخريف الذى مضى معك .. اما ما بعده فإنه فلول ايام تتلاحق لايميزها شىء .. ولا يثريها أحد .. كل الناس صاروا سواءا .. وكل زحام صار خواءا .. وكل ليل صار نعيما وجحيما معا .. اتخبط فى دنياى وانت لم تعد فيها .. وأصمت مثلك .. حتى لا أخبر عنك

فإذا النور نذير طالع .. وإذا الفجر مطل كالحريق
وإذا الدنيا كما نعرفها .. وإذا الأحباب كل فى طريق

happy valentine Noosa

2007-02-13T18:23:00.000+02:00

الحب الحب

الحضن الحضن

البوس البوس

الشوق الشوق

مشتاق مشتاق

حب يا حب

عشق يا عشق

ود يا ود

ول يا ول

بولوبيف بولوبيف

من طرف أخوكى اللمبي